Хаартыска sakha.gov.ru ылылынна
СӨ Үөрэх уонна наука министиэристибэтэ «Аҕа дойдуну көмүскээччилэр» судаарыстыбаннай пуонда филиалын кытары үлэтин салгыыр.
Кэнники нэдиэлэҕэ тустаах министиэристибэҕэ сыһыаннаах 9 сайабылыанньа киирбит. Бу туһунан бүгүн, от ыйын 26 күнүгэр, брифиҥҥэ Үөрэх уонна наука миниистирин бастакы солбуйааччы Алевтина Аргунова иһитиннэрдэ.
«Сайабылыанньалар оҕону уһуйааҥҥа биэриигэ, Дьокуускайга оскуолаларга бастакы кылааска киириигэ, сайыҥҥы лааҕырдарга уонна үөрэххэ тус сыаллаах дуогабары түһэрсиигэ сыһыаннаахтар«, — диэн этэр кини.
Министиэристибэ, маны сэргэ, байыаннай дьайыы кыттыылаахтарыгар уонна кинилэр оҕолоругар өйөбүлү оҥоруутун салгыыр. Ил Дархан Айсен Николаев ыйааҕынан уһуйааҥҥа сылдьар уонна оскуола саастаах оҕолорго, орто анал уонна үрдүк үөрэх кыһатыгар үөрэнэр устудьуоннарга өйөбүллэр оҥоһуллаллар. Ол курдук, байыастар оҕолоро уһуйаан төлөбүрүттэн босхолоноллор. Миниистири бастакы солбуйааччы иһитиннэрбитинэн, сайын өрөспүүбүлүкэҕэ 246 уһуйааҥҥа 1 071 дьуһуурунай бөлөх үлэлиир. Сайыҥҥы бөлөхтөргө 19 401 оҕо сылдьар, олор ортолоругар байыаннай дьайыы кыттыылаахтарын оҕолоро бааллар.
«Байыаннай дьайыы кытыылаахтарын оҕолоругар босхо путевканы биэрии салҕанар. Бүгүҥҥү туругунан, сайыҥҥы лааҕырдарга босхо путевканы 1 800-тан тахса байыас оҕото ылла«, — диэн этэр кини. Санатар буоллахха, лааҕырдарга сайаапканы , gosuslugi.ru киирэн «Оҕолор сайыҥҥы сынньалаҥнарын каникулларын кэмигэр тэрийии» («Организация отдыха детей в каникулярное время») киирэҕит, «Сайыҥҥы чэбдигирдэр лааҕырдарга сурутуу» («Запись в летние оздоровительные лагеря») пууну ыйаҕыт. Ону сэргэ, сайабылыанньаны оҕолор сайыҥҥы сынньалаҥнарын уонна доруобуйларын чэбдигирдиини тэрийэр тэрилтэҕэ биэрэҕит. Оҕолор сайыҥҥы сынньалаҥнарын тэрийиигэ 8 800 550 14 21 нүөмэргэ эрийэҕит.
Сиһилии https://www.sakha.gov.ru/news/front/view/id/3365092 киирэн ааҕыҥ.
СӨ Ил Дархан уонна Бырабыыталыстыба пресс-сулууспата
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…