Аллараа Бэстээххэ саҥа балыыһа тутулунна

Share

Мэҥэ Хаҥалас улууһугар Аллараа Бэстээх сэлиэнньэтигэр учаастактааҕы балыыһа үөрүүлээх аһыллыыта буолла. 1200 кв. миэтэрэттэн тахса иэннээх эбийиэк Арассыыйа бэрэсидьиэнэ Владимир Путин көҕүлээһининэн ыытыллыбыт «Уһун уонна көхтөөх олох» национальнай бырайыагын чэрчитинэн тутулунна.

Айсен Николаев сэлиэнньэ олохтоохторун бу бэлиэ түгэнинэн эҕэрдэлээтэ.

«Таһаҕас тиэйэр терминаллаах тимир суол уонна Өлүөнэни туоруур муоста тутуута саҕаланан, Аллараа Бэстээх улахан суолталаах тырааныспар уонна логистика киинэ буолла. Нэһилиэнньэ кэнники 10 сылга 50-тан тахса бырыһыанынан улаатта. Экономическай үүнүү эмиэ онно сөп түбэһэр инфраструктураны, ол иһигэр социальнай инфраструктураны, эрэйэр. Оройуон балыыһата аныгы тэриллэринэн хааччыллан,  олох хаачыстыбатын тупсарар. Доруобуйа харыстабылын сайдыытын бэлиитикэтин салгыахпыт, Владимир Владимирович Путин көҕүлээбит национальнай бырайыага итиннэ эрэллээх тирэх буолар», — диэн бэлиэтээтэ Айсен Николаев.

Улуустааҕы балыыһа биир симиэнэҕэ 100 ыарыһаҕы көрөр кыахтаах. Бастакы этээскэ амбулаторнай, көрдөрүнэр уонна эмтиир отделениелар, ону тэҥэ, күнүскү балыыһа баар буолуохтара. Иккис этээскэ 15 куойкалаах терапевтическай отделение баар буолуоҕа.

Балыыһа улахан дьону да, оҕолору да көрөргө анаан оҥоһуллубут. Амбулаторнай отделениеҕа педиатр уонна уопсай быраактыка быраастарын көрөр хосторо, эмтиир хос, стоматолог уонна гинеколог бааллар. Эбийиэк аныгы мэдиссиинэ тэриллэринэн хааччыллыбыт. Эбийиэккэ стоматологическай блок, кольпоскоп, дефибриллятор, реанимационнай монитор, гинекологическай кириэһилэ, электрокардиограф уонна тыҥа үлэтин бэрэбиэркэлиир аппараат атыылаһылыннылар.

Эбийиэккэ экспресс-лаборатория баар, ол көмөтүнэн биологическай анаалыстарга аҕыйах сөкүүндэ иһигэр  диагностикалаан, быһаарыахха сөп. Манна толору хаан анаалыһа, иик анаалыһа, биохимическэй хаан анаалыһа ыытыллара былааннанар.

Сиһилии: https://www.sakha.gov.ru/news/18082

Recent Posts

  • Интэриэһинэй
  • Сонуннар

Саха сиригэр оҥоһуллубут «Чолбон» аппараат космоска таҕыста

Ахсынньы 28 күнүгэр «Восточнай» космодромтан «Союз-2.1б» аракыата Саха сирин  бастакы «Чолбон» кыра космическай аппарааты орбитаҕа таһаарда. Бу Саха сирэ…

22 минуты ago
  • Сонуннар
  • Сүбэһит
  • Уопсастыба

Фейерверк ытарга бу быраабыланы тутус

Биир даҕаны Саҥа дьыл салюта суох буолбат. Сорохтор түүн 12 ч. көрсөн баран оҕолуун-уруулуун тутуспутунан…

28 минут ago
  • Сонуннар
  • Уопсастыба

694 суол саахала таҕыста

Ахсынньы 28 күнүнээҕи туругунан, өрөспүүбүлүкэҕэ бу сыл устата 694 суол саахала таҕыста, 80 киһи өлбүт,…

58 минут ago
  • Сонуннар

Бүлүү урбаанньыттарын Саҥа дьыллааҕы аахсыйалара үгэскэ кубулуйда

Бүлүү улууһун урбаанньыттара элбэх оҕолоох ыалларга, анал байыаннай эпэрээссийэ кыттыылаахтарын оҕолоругар Саҥа дьыллааҕы бэлэхтэри туттарар…

1 час ago
  • Сонуннар
  • Хаартыска/Видео

ХААРТЫСКАЛАР: Бүлүү улууһугар аракыата тобоҕо көһүннэ

Ахсынньы 28 күнүгэр олохтоох бириэмэнэн 22:18 чааска «Восточнай» космодромтан «Союз-2.1б» аракыата көтөн, тобохторо Саха сирин…

2 часа ago
  • Быһылаан
  • Сонуннар
  • Уопсастыба

Таҥас-сап атыылыыбын диэн албыннаабыт

Дьокуускай куоракка оперативниктар таҥаһы-сабы атыылыыр туһунан  сымыйа биллэриини таһааран түөкүннээһиҥҥэ уорбаланар киһини туттулар.  Ол курдук…

2 часа ago