Саха сирин норуоттарын култуураларын уонна үгэстэрин киэҥник тарҕатар туһуттан АЛРОСА хампаанньа ахсынньы 10 күнүгэр Дьокуускай куоракка Хотугу сир норуоттарын үлэлэринэн дьаарбаҥка-быыстапканы тэрийиэҕэ. «Айар уус» Хотугу сир норуоттарын ускуустубатын үгэс буолбут көрүҥнэрин маастардарыгар былаһаакканан буолуоҕа.
Тигии, маска кыһан оҥоруу, муостан, туостан уонна керамикаттан оҥоһуктар, дьиэ тээбиринэ, сувенирдар, ювелирдар уонна уустар бородууксуйалара, олохтоох оҥорон таһаарааччылар чэйдэрэ уонна мүөттэрэ -– маны барытын «Айар ууска» көрүөххэ сөп. Саамай киэҥ былаһаакка омук култууратын харыстааччылары түмүөҕэ. Тэрээһин норуот ускуустубатын уонна Арассыыйа норуоттарын материальнайа суох култуурунай нэһилиэстибэтин сылыгар ананар.
Быыстапка сүрүн соруга -– Саха Өрөспүүбүлүкэтин төрүт норуоттарын үгэстэрин харыстааһын уонна хаҥатыы, ойдом олохтоох эйгэни уонна кэлэктиибинэн айар үлэ култуурунай таһымын өйөөһүн, Саха Өрөспүүбүлүкэтин олохтоохторун айар дьоҕурдарын сайыннарыы, быыстапка кыттыылаахтарын кытары үөрүйэхтэри атастаһыы.
Маастардар, худуоһунньуктар, устуудьуйалар уонна норуот айар талааннаахтарын дьиэлэрэ, орто уонна үрдүк үөрэх тэрилтэлэрин устудьуоннара, СӨ уус-уран оҥоһуктарын тэрилтэлэрэ бйэлэрин хатыламмат үлэлэрин кыайыылаахтары быһаарыахтаах быыстапка кыттыылаахтарыгар көрдөрөр, кэпсиир уонна дьиктиргэтэр кыахтаныахтара.
Норуот куоластааһына кыайыылаахтары «прикладной ускуустуба» уонна «олохтоох оҥорон таһаарыы» номинацияларынан быһаарыаҕа.
Быыстапкаҕа кыттарга сайаапкалары алтынньы 14 күнүттэн сэтинньи 1 күнүгэр диэри eco@alrosa.ru электроннай аадырыска «Быыстапка» диэн бэлиэтээн ыытыаххытын сөп.
Быыстапка балаһыанньатын АЛРОСА Экологияҕа киинин Вконтакте: https://vk.com/ecologyalrosa страницатыгар билсиҥ.
АЛРОСА Экологияҕа киинэ
Күн-дьыл туруга бу күннэргэ хайдаҕый? Киин улуустарга хаар түһэрэ күүтүллүбэт. Булуҥ улууһугар сорох сирдэринэн сөкүүндэҕэ…
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…