Андрей Сорокин хаартыскаҕа түһэриитэ, СИА.
АЛРОСА хампаанньа «Мир-Глубокий» рудник эбийиэктэрин тутуутун саҕалаата диэн Ил Дархан Айсен Николаевка бүгүн, балаҕан ыйын 4 күнүгэр, Мииринэй оройуонугар оробуочай сырыытын кэмигэр иһитиннэрдилэр.
«Мир-Глубокий» рудник эбийиэктэрин тутуу инвестициятын кээмэйэ 121,5 млрд солкуобайга тэҥнэһэр. Алмаас саппааһа — 173,5 мөлүйүөн караат. Бу рудниктан алмааһы 2032 сылтан саҕалаан хостуур былаан баар. Бородууксуйаттан киллэринии 2033 сылтан баар буолуоҕа. Бу рудниктан 30 сыл устата сыллата 2 мөлүйүөн туонна урууда уонна 3 мөлүйүөн караат алмаас хостонуллуоҕа», — диэн АЛРОСА генеральнай дириэктэрэ Павел Маринычев эттэ.
«Мир-Глубокий» рудник АЛРОСА кэлэр уон сылга улахан инвестиционнай бырайыагынан буолар. Бу оҥоһуллуутугар баайдаах сир саамай дириҥиттэн алмаас саппааһа төһө баарын быһааран, саҥа руднигы тутар экэниэмикэ өттүнэн табыгастааҕын көрдүлэр. Мантан судаарыстыба нолуок ылыаҕа, тыһыынчанан үлэ миэстэтэ тэриллиэҕэ. Арассыыйа бырабыыталыстыбата, үпкэ министиэристибэтэ, Саха сирин бырабыыталыстыбата бырайыагы өйүүллэр», — диэн Ил Дархан Айсен Николаев санаатын эттэ.
Быйыл бу эбийиэккэ тутууга бэлэмнэнэр үлэлэр саҕаланыахтара, былаһааккалары былаанныахтара. Бу туһунан Ил Дархан уонна Бырабыыталыстыба дьаһалтатын пресс-сулууспата иһитиннэрэр.
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…