Хаартыска: АЛРОСА пресс-сулууспата
АЛРОСА Экологияҕа киинэ иһитиннэрбитинэн, хампаанньа быйыл «Уус Буотама» уонна «Тыымпынай» питомниктарга ойуур бизоннарын көрүү-истии усулуобуйатын хааччыйарга 3,5 мөлүйүөн солкуобайы ыытыаҕа.
Питомниктары үбүнэн өйөөһүн тус сыаллаах саҥа дуогабар чэрчитинэн көрүлүннэ. Дуогабар АЛРОСА уонна Биология ресурсаларын, Саха сирин ураты харыстанар сирдэрин уонна айылҕа пааркаларын дириэксийэтин икки ардыларыгар түһэрсилиннэ. Үп «2024-2025 сылларга «Уус Буотама» уонна «Тыымпынай» ойуур бизоннарын питомниктарын вольернай хаһаайыстыбатын саҥардыы» экология бырайыагын өйөбүлүгэр бэриллиэҕэ.
Ол курдук, быйыл бизоннар сылдьар сирдэрин кэҥэтэр уонна ууһуулларыгар-тэнийэллэригэр сөптөөх усулуобуйаны оҥорор туһугар питомниктар сүрүн эбийиэктэрин өрөмүөннээһин уонна саҥардыы былааннанар.
Бырайыак кыыл-сүөл бу дьикти көрүҥүн харыстыырга улахан суолталаах. Тоҕо диэтэххэ, ойуур бизона аан дойдуга үүтүүнэн иитээччилэртэн биирдэстэрэ уонна букатыннаахтык сүтэр кутталлаах. Питомниктары сайыннарыы уонна кинилэр тэнийэллэригэр сөптөөх усулуобуйаны оҥоруу бизоннар ахсааннарын элбэтэргэ уонна кэлэр көлүөнэҕэ хаалларарга туһалыаҕа.
АЛРОСА айылҕа харыстабылыгар уонна кыыллар көрүҥнэрин элбэтиигэ бырайыагы олоххо киллэрэргэ дьоһуннаахтык бииргэ үлэлэһэр. Бу дуогабар тулалыыр эйгэ туруктаахтык сайдарыгар уонна харыстабылыгар дьулуһууну туоһулуур.
АЛРОСА пресс-сулууспата
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…