Алтынньы 26 күнэ: -30С кыраадыс тымныы, буурҕа

Бүгүн, алтынньы 26 күнүгэр, Анаабыр уонна Булуҥ улуустарыгар сорох сиринэн силлиэ-буурҕа түһэрэ күүтүллэр, соҕуруулуу-арҕаа тыал күүһүрүөҕэ. Күнүс тыал сөкүүндэҕэ 32 м.  тиицэ күүһүрүөн сөп. Бу туһунан Саха сиринээҕи Гидрометеосулууспа саайта иһитиннэрэр.

Өрөспүүбүлүкэ соҕуруу өттүгэр уонна хотугулуу-илин сорох сиринэн  хаар түһүөҕэ.

Түүн салгын температурата киин улуустарга -10…-15°С, былыта суохха -16…-21°С, хотугулуу-илин -21…-26°С, Өймөкөөҥҥө уонна Үөһээ Дьааҥыга -28…-33°С тымныы буолуо. Күнүс киин улуустарга -5…-10°С, хотугулуу-илин -10…-15°С, намыһах сирдэргэ -17…-22°С кыраадыс тымныы буолара күүтүллэр.

Дьокуускайга түүн уонна сарсыарда кыралаан хаар түһүө. Тыал хотугулуу-арҕааттан сөкүүндэҕэ 2-7 м. түргэннээх. Түүн салгын температурата -10…-12°С, күнүс -5…-7°С кыраадыс буолуо.