Хаартыска: Бигэ Өрөкүй Бааһынай Уола.
Олунньуга бэйэм көҕүлээн Ньурба улууһугар икки тэрээһини ыыттым. Бастаан олунньу 1 күнүгэр олохтоох дьаһалта уонна кулууп үлэһиттэрин көмөтүнэн Ньурба куораты кытта ыкса олорор Антоновка сэлиэнньэтигэр Дьыл оройун сиэрин-туомун оҥордубут. Итинник тэрээһини Саха сирин үрдүнэн Антоновкаҕа уонна Үөһээ Бүлүү Сургуулугар ыыттыбыт.
Дьиҥэр, Саха сирин үрдүнэн бүтүннүү оҥоһуллуон сөптөөх этэ да, атын улуустар өйдүү, өйүү иликтэр. Дьыл оройугар Антоновка 6-с кылааһыгар үөрэнэр оҕолор кэлэн кыттыстылар. Мин Дьыл оҕуһун хаамыытын, дьыл, сыл өйдөбүллэрин, уратыларын кэпсээтим.
Иккис тэрээһиним – Ньурбаҕа улуус кииннэммит ааҕар уораҕайыгар, бу тэрилтэ үлэһиттэрин кытта олунньу 7 күнүгэр улуустааҕы “Аман өс” күрэхпитин 24-с төгүлүн ыыттыбыт. Куолуһуттар күрэхтэһиилэрин куолуларын сүнньэ — Саха омук үөрэхтээхтэригэр Саҥа сурук диэн былырыын кулун тутар 31 күнүгэр “Илин” сурунаалга тахсыбыт биэс чулуу саха илии баттаан таһаарбыт суруктарын дьүүллэһии курдук барбыта. Куолу сүнньэ аһара ыарахан буолан кыттааччы аҕыйах эрээри, барыта үрдүк таһымҥа ааспытын тус бэйэм 752 сурутааччылаах үтүүбүм хоруутугар укпуппун ааҕааччылар киирэн көрүөххүтүн-истиэххитин сөп.
Бигэ Өрөкүй Бааһынай Уола.
Нэдиэлэ устата барбыт Бүтүн Арассыыйатааҕы “Сыл учуутала-2024” күрэс Саха сиринээҕи түһүмэҕэ түмүктэннэ. Үөрүүлээх быһыыга-майгыга лауреаттар,…
“Бары бииргэ Кыайыыга!” 1-кы Өрөспүүбүлүкэтээҕи байыаннай-патриотическай пуорумҥа “Покров и защита” уордьанынан Афганскай сэрии бэтэрээнэ Валерий…
«Сахафильм» устуудьуйата уонна СӨ Национальнай бибилэтиэкэтэ «Киинэни ааҕабыт!» бырайыагы үлэлэттилэр . Ол курдук, Саха сирин…
Дьокуускайга полиция сулууспата сокуоннайа суох арыгы атыылааччылары буларга туһуламмыт рейдэлэри салгыы ыытар. Ол курдук, сокуоннайа…
Арассыыйа бырабыыталыстыбата 15 эрэгийиэҥҥэ, ол иһигэр Саха сиригэр, тыа хаһаайыстыбатын сирдэрин оҥорууга үлэ ороскуотун толуйуу…
Былырыын 2023 сыллаахха Былатыан Ойуунускай төрөөбүтэ 130 сылынан Чөркөөххө “Хомуур олоҥхо” түһүлгэ тэриллибитэ. Бырайыак ааптарынан…