Хаартыска: Елена Потоцкая түһэриитэ.
Бүгүн, сэтинньи 14 күнүгэр, “Саха сирин 100 бастыҥ табаара” куонкурус кыайыылаахтарын наҕараадалаатылар.
Бу тэрээһин олохтоох оҥорон таһаарыынан дьарыктанар тэрилтэлэргэ уонна биирдиилээн урбаанньыттарга ситиһиллибит таһымы өссө тупсарар кыаҕы биэрэр.
СӨ Бырабыыталыстыбатын Бэрэссэдээтэлин солбуйааччы Анатолий Семенов бэлиэтээбитинэн, “Саха сирин 100 бастыҥ табаара” куонкурус кыттааччыларын ахсаана сыл аайы элбиирэ кэрэхсэбиллээх.
«Билиҥҥи кэмҥэ урбаанньыттар оҥорон таһаарар бородууксуйаларыгар бэйэ табаарын бигэргэтэр патеннаах, анал докумуоннаах буолуохтарын наада. Бу туһунан бу күннэргэ буолан ааспыт Сыыппара пуорумугар дьүүллэстибит«, — диэн эттэ бырабыыталыстыба бэрэссэдээтэлин солбуйааччы.
«Саха сирин 100 бастыҥ бородууксуйата» куонкурус атыылаһааччылар итэҕэллэрин бөҕөргөтөр, ирдэбил үрдээһинигэр көмөлөһөр.
Куонкурус ас бородууксуйатыгар, нэһилиэнньэҕэ анаан оҥоһуллар промышленнай табаардарга, норуот уонна уус-уран оҥоһуктарыгар, араас өҥөнү оҥорууга туһаайылынна.
Амма улууһуттан Георгий уонна Майя Олесовтар “Амма бурдуга” диэн бородууксуйалара “Саха сирин 100 бастыҥ бородууксуйата” куонкурус кыайыылаахтарынан буоллулар. Олесовтар бэйэлэрэ маҕаһыыннаахтар, эргиэн кииннээхтэр. Георгий Олесов төрүт уус буолан, эмиэ бэйэтин талаанынан сайдар Амма биир ситиһиилээх урбаанньыттарыттан биирдэстэрэ.
Биэс оҕолоох дьоллоох дьиэ кэргэн ийэтэ Майя Олесова: “Бу биһиги тус бэйэбит эрэ ситиһиибит буолбатах. Олоҥхо ыһыаҕар бэлэмнэнэр кэммитигэр Амма бурдугун дьон билиитигэр-көрүүтүгэр таһаарыахха диэн толкуйунан, биһиэхэ улууспут салалтата, тыа хаһаайыстыбатын управлениета, урбаанньыт доҕотторбут бары көмөлөспүттэрэ. Кинилэргэ, түгэнинэн туһанан, улахан махталбын тиэрдэбин. Сыахпытын улаатыннаран, бурдук оҥорон таһаарар тэрилтэҕэ тиийэ уларыттыбыт. Ол эбэтэр сэлиэһинэйи куурдан, мэһийэн, сиидэлээн, бэйэбит сиир бурдугу оҥорон таһаарабыт. Билигин Саха сирин брендин ахсааныгар киирдибит”,- диэн санаатын үллэһиннэ.
Быйыл Аммаҕа ыһыллыбыт Олоҥхо ыһыаҕар «Амма бурдуга» бородууксуйа күннээбитэ диэххэ сөп. Сэлиэһинэйтэн оҥоһуллубут саһарчы буспут алаадьы минньигэс амтанын үгүспүт күн бүгүнүгэр диэри умнубаппыт. Онон «Амма бурдуга» олохтоох бородууксуйа Саха сирин 100 бастыҥ табаарынан буолбутунан эҕэрдэлиибит. «Амма бурдугун» аны Москва быыстапката күүтэр!
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородууктанан мини-пиццалары астыыр ырысыабы кытта үллэстэбит. Пиццалар сыырдаах эбэтэр…
Дьокуускайга от ыйын 1 күнүгэр Байыаннай дьайыы бэтэрээннэрин күнүгэр аналлаах сибэкки дьөрбөтүн ууруу үөрүүлээх тэрээһин…
Бэс ыйын 30 күнүгэр СӨ Национальнай бибилэтиэкэтигэр киһи аймах историятын икки саамай былыргы айымньыта –…