Хаартысканы Н.Илларионова тиксэрдэ.
СӨ Бырабыыталыстыбатын бэрэссэдээтэлин солбуйааччы Георгий Степанов аммалар көһө сылдьар дьиэтээҕи микрореабилитационнай кииннэрин үлэтин тус болҕомтотугар ылла.
Чурапчы улууһугар ыытыллыбыт «Cоциальнай эйгэ инники сайдыыта уонна соруктара» диэн илин эҥээр улуустар кыттыылаах пленарнай мунньахха Амма улууһун социальнай эйгэҕэ баһылыгы солбуйааччы Нюргуяна Илларионова улуус социальнай көмүскэлгэ ыытыллар үлэлэрин туһунан сиһилии иһитиннэриини оҥордо. Манна кини ордук чуолаан «социальнай такси», «улуус сүрүн уйулҕаһыта» уонна «дьиэтээҕи микрореабилитационнай киин» бырайыактары билиһиннэрдэ. Быйыл Амма улууһун социальнай харалтатын үлэһиттэрэ Гордеева пуондатыттан 3 мөлүйүөн 800 тыһыынча солкуобай кээмэйдээх грант ылбыттарын дьон биһирии иһиттэ.
Бу тэрээһиҥҥэ Амма улууһуттан үлэлээх буолуу киин салайааччыта Лена Му Вензель, социальнай харалтата салайааччытын солбуйааччы Сахаяна Неустроева үлэлэрин хайысхаларынан кытыннылар, уопут атастастылар.
Мунньаҕы салайан ыыппыт СӨ Бырабыыталыстыбатын бэрэссэдээтэлин солбуйааччы Георгий Степанов бэлиэтээбитинэн, аммалар «микрореабилитация» бырайыагын холобур быһыытынан хайдах ыытаҕыт да, салгыы ити уопут быһыытынан атын улуустарга тарҕаныа диэн эттэ уонна бу доруобуйаларынан хааччаахтаах дьоҥҥо олус туһалаах үлэҕэ ситиһиилэри баҕарда.
Ыытыллыбыт сүбэ мунньах биир ураты хайысхатынан социальнай хантараактарга министиэристибэ, бырабыыталыстыба өттүттэн улахан болҕомто ууруллубута буолла.
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…