Москваҕа Саха сирин бастайааннай бэрэстэбиитэлин солбуйааччы, Биир кэлим сүрүннүүр киин бааһырбаттары кытары үлэҕэ оробуочай бөлөҕүн салайааччы Мария Сафонова иһитиннэрбитинэн, “Бэс Чагда” санаторийга анал байыаннай эпэрээссийэ кыттыылаахтарын доруобуйаларын чөлүгэр түһэриэхтэрэ.
“Бэс Чагда” санаторийга анал байыаннай эпэрээссийэ кыттыылаахтарыгар доруобуйаны чөлүгэр түһэрэргэ анал бырагыраама оҥоһулунна. 20 хонуктаах кууруска физиотерапия, механотерапия, уунан эмтээһин, эмтиир-физкультура комплекса, теринкур, бассейн, фитотерапия баар буолуохтара. Эмтэнээччилэри терапевт, кардиолог, невролог быраастар уонна травматолог-ортопед, психотерапевт көрүөхтэрэ-истиэхтэрэ», -диэн Мария Сафонова бэлиэтээн эттэ.
Эмтэнэ барарга туһаайыы суругу СӨ Доруобуйа харыстабылын министиэристибэтиттэн уонна Биир кэлим сүрүннүүр киинтэн (быстах хомуурга ылыллыбыттарга, байыаннай сулууспалаахтарга, анал байыаннай эпэрээссийэҕэ кыттыбыттарга уонна кинилэр дьиэ кэргэттэригэр араас өрүттээх көмөнү оҥорор киин) ылыахха сөп.
Доруобуйа харыстабылын министиэристибэтин 122 (эбии 1 нүөмэр) “суһал линиятыгар», онтон Москваҕа өрөспүүбүлүкэ Биир кэлим сүрүннүүр киинигэр +7 (926) 887-08-52 уонна +7 (926) 886-86-04 нүөмэрдэргэ эрийэн билсиэххэ сөп.
Оҕуруот аһын сыаната мантан күһүн өссө түһүөҕэ. Билигин помидор сыаната киилэтигэр 15-200 солкуобайга халбаҥныыр, кабачок…
«Национальнай Лотерея» «Мечталлион» лотерея 154-с тираһын Саха сириттэн кыайыылааҕын көрдүүр. Кыайыылаах биир мөлүйүөн солкуобайы сүүйбүт…
Бастакы кылааска киирэн баран, оҕо уутун хаммат, начаас сылайар, уруок ааҕыан баҕарбат буоллаҕына, оҕону ыгар-түүрэр…
Илиҥҥи экэнэмиичэскэй пуорум «Уһук Илин сайдыытын күүһэ – үөрэхтээһин» диэн сессиятыгар СӨ Бэрэссэдээтэлин солбуйааччыта Анатолий…
Быйыл саахсаланан ыал буолбуттар, 50 эбэтэр онтон элбэх сыл олорбут Арассыыйа дьиэ кэргэттэрэ, эрэгийиэн таһымыгар…
Саха сиригэр биллэр уопсастыбанньык, адаптивнай күрэсчит, 1 группалаах инбэлиит, диализтаах уонна уорганнарын көһөртөрбүт ыарыһахтар уопсастыбаларын…