Бүгүн Ил Дархан Айсен Николаев Анал этиитигэр Саха сиригэр биир сүрүн боппуруоһунан буолар ойуур баһаардарыгар бу ааһан эрэр сылга туох-ханнык үлэ ыытыллыбытын туһунан иһитиннэрдэ.
«Ойуур баһаардарын умуруорууга бары өттүнэн сөптөөх болҕомто уурулунна. Ол түмүгэр 2021 сыллааҕыны кытта тэҥнээтэххэ, Сахабыт сиригэр ойуур баһаардара туруулара үс төгүл аччаата. Былырыын 1679 ойуур баһаара турбут буолллаҕына, быйылгы 531-гэ тэҥнэһэр. 2021 сылга 8 мөлүйүөн гектардаах сири уот мэҥиэстибит буоллаҕына, ол 560 тыһ. гектарга диэри түстэ. Ол эбэтэр 14 төгүл кыччаабыт. Ити барыта сөптөөх үлэ ыытыллыбытын түмүгэр ситиһилиннэ. Быйыл Саха сиригэр ойуур баһаардарын умуруорууга үп көрүллүүтэ 5,5 төгүл үрдүүрэ ситиһиллибитин түмүгэр, федеральнай бүддьүөттэн 1,6 млрд солк. тыырыллыбыта. Өрөспүүбүкэ бүддьүөтүттэн тустаах сыалга үп көрүллүүтэ 2,5 төгүл үрдээтэ. Сөптөөх үп көрүллэн, ойуур баһаарын умуруорууга анал идэлээх дьон ахсаана 1119 исписэлиискэ диэри уоннна салгын аалларынан ойуур баһаардарын бэрэбиэркэлээһин, хонтуруоллааһын 4 төгүл үрдүүрэ ситиһилиннэ.
Быыһыыр сулууспа аэромобильнай бөлөҕө тэриллэрэ ситиһилиннэ. Ону тэҥэ, саҥа авиаотделениелар Томпо, Үөһээ Халыма уонна Өймөкөөн улуустарыгар тэрилиннилэр. Ойуур баһаарын утары үлэлиир сулууспалар ыарахан уйуктаах 170 анал тиэхиньикэлэринэн хааччылыннылар», — диэн Айсен Сергеевич тоһоҕолоон бэлиэтээтэ.
От тактики к стратегии: создание единой базы данных лесоустройства
Петр Попов Чурапчытааҕы ОДьКХ гаас хочуолунайын операторынан 30-ча сыл үлэлиир. – 1995 сылтан тохтоло суох…
Үгэскэ кубулуйбут «Үлэ киһитэ» бириэмийэни туттарыы сиэрэ-туома бүгүн ыытылынна. Ил Дархан Айсен Николаев телеграмҥа: -…
Амма сэлиэнньэтин «Сэргэлээх» түөлбэтин олохтоохторо муус устар 29 күнүгэр чугастааҕы сирдэригэр-уоттарыгар бөҕү-сыыһы хомуйдулар. «Уһун унньуктаах…
Дьокуускай куоракка "Аврора" үйэни уһатар киини кытта мин күһүн онно Үһүс көлүөнэ оскуолатын аҕам саастаах…
Ил Дархан Айсен Николаев Теплай күөл таһыгар саҕаламмыт Бүтүн Арассыыйатааҕы субуотунньукка кытынна. Бу экология аахсыйата…
"Ытыктабыллаах Сахабыт сирин олохтоохторо! Муус устар 30 күнүгэр түмүктэниэхтээх Дьокуускай куоракка тутуллуохтаах бырайыактарга куоластааһын буола…