Хаартыска: Андрей Сорокин
Ил Дархан Айсен Николаев өрөспүүбүлүкэҕэ успуорт адаптивнай көрүҥнэрин сайдыытын тула Паралимпийскай оонньуулар үрүҥ көмүс призера, аан дойду уонна Европа чемпиона Анастасия Диодорованы кытары көрсөн кэпсэттэ. Көрсүһүүгэ Анастасия ийэтэ Людмила Диодорова эмиэ кыттыыны ылла.
«Дьулуур» адаптивнай успуорка күрэхтэһии от ыйын 12-16 күннэригэр Амма улууһугар ыытыллар. Онно Анастасия Диодорова Арассыыйа Паралимпийскай кэмитиэтин бэрэстэбиитэллэрин кытары паралимпийскай уруогу ыытыахтаах.
Анастасия көрсүһүү кэмигэр, атын эрэгийиэннэр спортсменнара кыттыылаах улахан күрэхтэһиилэри ыытыы өрөспүүбүлүкэҕэ паралимпийскай көрүҥнэри сайыннарыыга төһүү күүһүнэн буолуо диэн санаатын эттэ.
Кини түгэнинэн туһанан Айсен Николаевка өйөбүлүн иһин махтанна уонна чугастааҕы кэмҥэ успуорка сыһыаннаах былааннарын туһунан кэпсээтэ. Анастасия идэтинэн спортивнай менеджер. Онон Москваҕа «Азия оҕолоро» норуоттар икки ардыларынааҕы оонньуулар бырайыактарын бэрэстэбиитэлинэн буолуоҕа.
Айсен Николаев биллиилээх спортсмен былааннарын өйүүрүн эттэ уонна ситиһиилэри баҕарда.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…