Сарсын, ахсынньы 19 күнүгэр, 12:00 чаастан Ил Дархан Айсен Николаев Ил Түмэҥҥэ сыл аайы ыытыллар Анал этиитин иһитиннэриэҕэ.
Ааспыт сыллааҕы Анал этиигэ тыа хаһаайыстыбатын үбүлээһини үрдэтэр соругу туруоран, быйыл күһүн тыа хаһаайыстыбатын өйөөһүҥҥэ эһиилги бүддьүөт барылыгар 11,5 млрд солк. былааннаммытын 2,6 млрд солк. үрдэтэн 14 млрд солк. тириэрдилиннэ. Ол курдук, тэрээһиннээх хаһаайыстыбаларга үүт сыаната 60 солк., ынах сүөһү төбөтүгэр 37 тыһ. солк., биэ төбөтүгэр 5 тыһ. солк. субсидия көрүллэр буолла. Оттон табаны иитиигэ субсидияны 64 мөл. солк. тиэрдэллэригэр этиллибитэ. Быйыл Саха сирин устуоруйатыгар аан бастаан тыа хаһаайыстыбата маннык үбүлэнэр буолла. Судаарыстыбаннай социальнай көмө быһыытынан оҥоһуллар социальнай хантараак кээмэйэ 200 тыһ. солк. диэри улаатта.
Андрей Находкин, Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ:
— Анал этии Ил Түмэн дьокутааттарыгар диэн гынан баран, өрөспүүбүлүкэ хас биирдии олохтооҕор туһуланар. Эһиил күүспүтүн холбоон, ханнык хайысхаларга күүскэ ылсан үлэлиэхтээхпит быһаарыллар. Мантан ким да туора турбат. Сарсын Ил Дархан Айсен Николаев норуокка тус былааннарын билиһиннэриэҕэ. 2022 сылы хайдах-туох туораан эрэрбитигэр олоҕуран, ханнык боппуруостар быһаарыллыбатахтарыгар болҕомтону ууруоҕа. Былырыын тыа хаһаайыстыбатыгар сыһыаннаах хас да хайысханы эппитэ, олор барыта олоххо киирдилэр. Бары эһиилги үлэ-хамнас туохха туһаайылларын күүтэбит. Ол сыалы-соругу бары түмсэн, сомоҕолоһон, олоххо киллэриэхпит диэн эрэнэбин.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…