РФ бэрэсидьиэнэ Владимир Путин бырабыыталыстыбаны кытары бу сылга бастакы мунньаҕын ыыппыта. Мунньах кэмигэр бэрэсидьиэн бырабыыталыстыба иннигэр бу сылга алта сүрүн хайысханан үлэ барыахтааҕын бэлиэтээбитэ.
Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин манна санаатын үллэһиннэ:
-Дойду үрдүнэн экэниэмикэҕэ, бэлитиичэскэй быһыыга-майгыга уустук сыл ааста. Бу үүммүт сылга туох сүрүн соруктар туралларын В.В.Путин бырабыыталыстыбаны кытта бастакы мунньаҕар ыйда.
Ол иһигэр бэйэ олохтоох бородууксуйатын оҥоруу тэтимин улаатыннарыы туһунан этилиннэ. Ил Дархан А.С.Николаев ити туһунан Анал этиитигэр эмиэ тоһоҕолоон бэлиэтээбитэ. Өссө 2018 сыл ахсынньытыгар бэйэ бородууксуйатынан хааччыллыыны сыыйа улаатыннарар туһунан биэс сыллаах стратегическай Ыйаах таһаарбыта. Тыа хаһаайыстыбатын өйүүр саҥа механизмнар олоххо киирбиттэрэ эмиэ ону кытта ситимнээх. Билигин тыа сирин олохтоохторо бэйэлэрин этинэн, үүтүнэн, хортуоппуйунан, оҕуруот аһынан хааччынан олороллор, үгүстэрэ киин сирдэргэ олорор аймахтарын кытта этинэн хааччыйаллар. Ол эрээри куораттар үгүс олохтоохторун, ону таһынан оҕо саадтарын, оскуолалары, балыыһалары кэлии бородууксуйанан буолбакка, бэйэ этинэн-үүтүнэн толору хааччыйар сорук иннибитигэр турар. Түргэнник ситэр салааны дэлэтэн, хас биирдии ыал бэйэтин хааччынарын, кыһыннары ол бородууксуйатын сиирин эмиэ умнуо суохтаахпыт. Бэрэсидьиэн РФ бырабыыталыстыбатыгар туруорбут хайысхалара үбүнэн-харчынан бигэргэнэн эрэгийиэннэргэ өйөбүл быһыытынан кэлиэхтэрэ дии саныыбын.
Кулун тутар 21-22 күннэригэр Мэҥэ Хаҥаласка сылгыһыттар, сылгы иитээччилэр күрэхтэрэ уонна племенной хаһаайыстыбалар быыстапкалара ыытыллыахтара.…
Сунтаар киинигэр олорбут, физкультура учууталынан ситиһиилээхтик үлэлээбит быраатым Артур Эдуардович Гермогенов сырдык аатын үйэтитэр “Мин…
Ааспыт нэдиэлэҕэ психологтар өрөспүүбүлүкэ иһигэр уонна госпиталларга баран, 1400 сайаапка киирбититтэн, 1500 кэриҥэ психологическай өҥөнү…
2025 сыл саҕаланыаҕыттан «Сахаэнерго» хампаанньа үлэһиттэрэ юридическай уонна физическэй сирэйдэр ортолоругар электроэнергияны уоруу чахчыларын көрдөөһүҥҥэ…
Бу ураты чуораанчык хатыҥҥа үүнэн турар. Чуораанчык Бүлүү улууһун Үгүлээтигэр Тириэтий Күүлэккэ Муоһааны уонна Былганда…
Саха сирин олохтоохторо анал байыаннай дьайыы байыастарыгар анаан, доруоп сааларын туттарыахтарын сөп. "Росгвардия" управлениета иһитиннэрбитинэн,…