Апчарыйан да ырааппатах

Борокуратуура 8 мөл солк. тахса хомунаалынай төлөбүр харчытын уоруу холуобунай дьыалатынан буруйдуур уурааҕы бигэргэттэ.

Ол курдук, Саха Өрөспүүбүлүкэтин Борокуратуурата Дьокуускай к. салайар хампаанньатын салайааччытын холуобунай дьыалатынан буруйдуур уурааҕы бигэргэттэ. Кини РФ ХК 160 ыст. 4 ч.  (сулууспалыыр балаһыанньатынан туһанан бөдөҥ кээмэйдээх харчыны сиэһин) буруйданар.

Силиэстийэ сабаҕалааһынынан, 2015 сылтан 2021 сылга диэри кэмҥэ буруйдаах киһи “Якутскэнерго” ПАУо ресурсанан хааччыйар тэрилтэ өҥөтүн төлөөһүҥҥэ гражданнартан киирбит 8 мөл солк. тахса кээмэйдээх үбү-харчыны апчарыйбыт.

Буруйдаахха буруйдуур түмүк куопуйатын туттарыы кэннэ холуобунай дьыала Дьокуускай куораттааҕы суукка көрүллүүгэ ыытыллыаҕа.

СӨ Борокуратууратын саайтыттан