Нам улууһугар Аппааныга, күөл таһыгар сынньалаҥ киинин тупсаран оҥордулар. Бырайыак «Тупсаҕай эйгэни тэрийии» уонна «Уһук Илин 1000 тиэргэн» бырагыраамаларынан олоххо киирдэ.
«Бу Уһук Илиҥҥи федеральнай уокурукка РФ Бэрэсидьиэнин боломуочуйалаах бэрэстэбиитэлэ Юрий Петрович Трутнев өйөбүлүнэн олоххо киллэрэр улахан тэрээһиннэртэн биирдэстэринэн буолар. Тиэргэннэргэ тупсаҕай эйгэни тэрийии, нэһилиэнньэлээх пууннар социальнай өттүнэн бигэ туруктаах буолууларыгар сабыдыаллыыр. Маннык тиэргэннэр баар буолуулара дьон олоҕун хаачыстыбатын тупсарар«, — диэн Ил Дархан Айсен Николаев бэлиэтээн турар.
«Аппааны» арт-эбийиэк болҕомтону тардыан тардар. Муоста саҥардыллыбыт, тротуар ууруллубут, уот-күөс киллэриллибит, күрүө-хаһаа оҥоһуллубут. Оҕо былаһаакката, дьон-сэргэ мустан дьарыктанарыгар улууска аан бастакы бэртээхэй воркаут-зона, ролигынан астына хатааһылыырга ураты роллердром бааллар. Ону таһынан, өссө, ыллыырга-туойарга анаан сыаналаах, сылаас павильоннаах.
«Биһиэхэ бу баҕа санаабытын олоххо киллэриибит — улахан бырааһынньык. Ыра санаа оҥостубуппут ыраатта, — диир сэлиэнньэ баһылыга Иван Ноговицын. — Аны мантан ыла бу кииммит сылы эргиччи үлэлиэ. Кыһынын манна ким баҕалаах хаҥкынан хатааһылыа, харыйа туруоруохпут. Оттон сайын байдаркаларынан хатааһылыахтара. Сэлиэнньэбит киинэ уопсастыбаннай саҥа тутууларынан тупсан, туолан иһэриттэн наһаа үөрэбит. Бу таһыгар Кыайыы искибиэрэ оҥоһулунна уонна Култуура дыбарыаһа тутулунна«.
Санатан эттэххэ, «Уһук Илин 1000 тиэргэн» бырагыраамаҕа быйыл Саха сиригэр 124 тиэргэн уонна мини-пааркалар, итинтэн 75 Дьокуускайга, киллэриллибиттэрэ. Бары улуустарга эбийиэктэри саҥардан оҥоруу түмүктэннэ. Дьокуускайга сэтинньи бүтүөр диэри 40 тиэргэни үлэҕэ киллэриэхтэрэ.
Манна даҕатар буоллахха, сэтинньи 1-30 күннэригэр Саха сиригэр 2023 сылга бырагыраамаҕа кыттарга куонкуруһунан сүүмэрдээһин ыытылла турар. Сиһилии СӨ Ил Дархан архитектураҕа уонна куораты тутууга управлениетын саайтыгар көрүөххэ сөп.
Хаартыскалар СӨ Ил Дархан архитектураҕа уонна куораты тутууга управлениетыттан.
Бу күннэргэ Томпо улууһун Мэҥэ Алдан нэһилиэгин дэлэгээссийэтэ Чөркөөххө кэлэн кыраайы үөрэтээччи Гаврил Вырдылинтан нэһилиэк…
Саха сирин Ил Дархана элбэх оҕолоох ыаллары социальнай өттүнэн өйүүр эбии миэрэлэр тустарынан ыйаахха илии…
Бэс Күөлүгэр сэргэх тэрээһин буолла. Нэһилиэк баһылыга Айсен Егорович Павлов үөрүүлээх тэрээһиҥҥэ мустубут дьону эҕэрдэлээтэ…
Маннык эмиэ этэллэр эбит. Биһиги дьылҕабыт зодиакпыт бэлиэтиттэн эрэ буолбакка, нэдиэлэ ханнык күнүгэр төрөөбүппүтүттэн эмиэ…
Ил Дархан Айсен Николаев харах балыыһатын стационарнай отделениета аһыллыытыгар, тэрилтэ өрөспүүбүлүкэҕэ доруобуйа харыстабылын сайдыытыгар ситиһиилээх…
Халыма-Индигиир улуустарын уокуругуттан үгүс спортсмен араас көрүҥнэргэ ситиһиилэрдээхтэр. Ол курдук, бу күннэргэ Муоматтан төрүттээх бөҕөс…