Салгыы
Арассыыйа былааҕын бэлиэтэ массыына нүөмэригэр булгуччулаах буолуоҕа

Арассыыйа былааҕын бэлиэтэ массыына нүөмэригэр булгуччулаах буолуоҕа

Ааптар:
08.05.2024, 09:00
Хаартыска: Константин Чалабов, РИА Новости.
Бөлөххө киир:

Тиэхиньикэ нүөмэригэр Арассыыйа былааҕын бэлиэтин булгуччулаах оҥоруохтара. Саҥа уларыйыылары киллэрэргэ ИДьМ сулууспатын Суолга куттала суох буолуу билим киинэ бэлэмнээтэ.

Бу туһунан «Коммерсантъ» суруйар. Уларыйыылар 0577-2018 «Знаки государственные регистрационные транспортных средств» ыстандаартыгар киириэхтэрэ. Ол курдук, массыына нүөмэрин уҥа өттүгэр Арассыыйа былааҕын бэлиэтин киллэрии булгуччулаахтык ирдэниэҕэ, арай дипломатическай куорпус массыыналарын кыһыл нүөмэрдэригэр бу ирдэбил сыһыана суох диэн ИДьМ сулууспата иһитиннэрэр.

Манна бэлиэтээн эттэххэ, урут Арассыыйа былааҕа бэлиэтэ суох нүөмэрдэри ылбыт суоппардары бу киирэр уларыйыылар таарыйбаттар. Билигин бырайыагы Росстандарт «Безопасность дорожного движения» тиэхиньиичэскэй кэмитиэтин иһинэн дьүүллэһиллэр.

Полицияҕа суоппардар туһааннаах массыына нүөмэрин буукубаларын уонна сыыппараларын ылан баран, бэйэлэрэ анал тэрилтэҕэ харгыһа суох оҥотторон ылар кыахтаахтар. Маннык тэрилтэлэринэн өҥөнү оҥоруу 2020 сыллаахтан үлэлээбитэ. Холобур,  Дьокуускайга судаарыстыбаннай нүөмэрдэри оҥоруунан дьарыктанар тэрилтэлэр элбэхтэр —  Регион 25 Авто, АвтоJapan, Госзнак, Первая Лига  уонна Автоэксперт.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
22 июня
  • 14°C
  • Ощущается: 13°Влажность: 77% Скорость ветра: 0 м/с

Сообщить об опечатке

Текст, который будет отправлен нашим редакторам: