Хаартыска: sakha.gov.ru саайтан.
Байыаннай дьайыыга биһиги кыайыыбыт күннэтэ чугаһаатар чугаһаан иһэр. Маннык бигэ санаалаах Арассыыйа Дьоруойа Родимир Максимов.
“Саллааттар бары кыайыы күн ахсын чугаһаан иһэрин билэллэр. Өйөбүл баар, барыта баар. Билигин биһиги хайысхабыт түргэнник хамсаан эрэр. Утарсааччы кыаҕын сүтэрдэ, аҕыйахтык ытыалыыр буолла”, — диэн кэпсиир Родимир Максимов.
Родимир Максимов ааспыт сыл ахсынньытыгар хантараакка илии баттаан, байыаннай дьайыы буола турар сиригэр 2024 сыл олунньу 3 күнүгэр кэлбитэ. РФ Бэрэсидьиэнин Ыйааҕынан Саха сириттэн сылдьар штурмовикка икки суукканы быһа ВСУ-тан былдьаан ылбыт тирэх пууннарын тутан олорбутун, бойобуой доҕотторун кытта 30 боевигы суох гыммытын иһин Арассыыйа Федерациятын Дьоруойун үрдүк аата иҥэриллибитэ.
“Бу бэһис дуу, алтыс дуу сорудаҕым этэ. Маныаха диэри атын саҥа кэлээччилэри кытта резервнэй бөлөххө сылдьыбытым. Ол киирсиигэ маннык түгэҥҥэ түбэһиэхпит эрэ дии санаабатахпыт, барыта этэҥҥэ баран иһэр ини дии санаабыппыт. Өстөөх бөҕөргөтүүлээх тиэхиньикэни туһанан, биэстэ контратааканы оҥорбута. Билигин санаатахха, олус ынырык эбит”, — диэн билинэр кини.
Бу хорсун быһыытын иһин кинини Арассыыйа Дьоруойугар түһэрбиттэрин Родимир Максимов бу саас биирдэ билбитэ. Ыйаах тахсарын 4,5 ый кэтэспитэ. Бу кэм иһигэр чугас дьонун, доҕотторун эҕэрдэтин барытын туппута, диэн иһитиннэрэр СӨ Ил Дарханын уонна Бырабыыталыстыба пресс-сулууспата.
Хаар курдук маҥан, сымнаҕас баататтан саамай дьикти, ураты оонньуурдар былыр харыйаны киэргэтэллэрэ. Ол курдук, 30-с…
Cаҥа дьылга хас биирдии дьиэ кэргэн үгэс быһыытынан баай, дэлэгэй астаах-үөллээх остуолун тула олорон, ааһан…
«РИК» бөлөх хампаанньалар көмүс уонна хорҕолдьун хостооһунугар, суол уонна хапытаалынай тутууга үтүө көрдөрүүлэри ситистилэр. 2025…
2025 сыл ахсынньы 15 күнүгэр Дьокуускай 202-с микро-оройуонугар куорат уонна чугастааҕы ыччат көрсүһэр, кэпсэтэр сирэ…
Арассыыйаҕа кэлэр сылга хомунаалынай өҥөлөр иһин төлөбүр тохсунньу 1 уонна алтынньы 1 күннэригэр үрдүөҕэ. Бу…
Азсынньы 19 күнүгэр Владимир Путин 4 чаас 27 мүнүүтэ устата ыыппыт быһа эпииригэр уонна пресс-кэмпириэнсийэтигэр…