Москваҕа «Саллаат аҕата» диэн уопсастыбаннай билинии мэтээлин аан бастакытын туттардылар. Аҕа дойдуну көмүскээччилэр күннэрин көрсө үөрүүлээх быһыы-майгы РФ Уопсастыбаннай балаататыгар ыытылынна. Манна байыаннай эпэрээссийэ дьоруойдарын иитэн таһаарбыт 40 эр киһини мэтээлинэн бэлиэтээтилэр.
«Саллаат аҕата» мэтээли «Алеша» тааҥка наводчик-оператора Алексей Неустроев аҕатыгар Михаил Михайлович Неустроевка туттардылар. Алексей Арассыыйа тааҥкатын экипааһыгар киирэн, өстөөх аҕыс массыынатын урусхаллаабыта. Бу хорсун быһыынан Арассыыйа Дьоруойа буолары ситиспитэ.
Итиэннэ бу мэтээлинэн Арассыыйа Дьоруойа Дмитрий Егоров аҕатын Николай Алексеевич Егоровы наҕараадалаатыгар. Дмитрий Егоров Донецкай Норуодунай өрөспүүбүлүкэ Новомайорскай нэһилиэнньэлээх пуунун аттыгар өстөөҕү кытта киирсэ сылдьан дьоруойдуу охтубута. Кини ВСУ штурмовой бөлөҕүн сороҕун эһэн, өстөөҕү тэйиппитэ. Ол эрээри улаханнык бааһыран, сырдык тыына быстыбыта.
«Биллэн турар, мин уонна мин оҕолорум, дьиэ кэргэним Дима дьоруойдуу быһыыны оҥорбутун киэн туттабыт. Кини дойдутун — Арассыыйаны көмүскүү сылдьан өлбүтэ. Мин үтүө, туохтан да куттаммат уолу улаатыннарбытым», — диэн Николай Алексеевич Егоров уолун туһунан эттэ.
Бүгүҥҥү күҥҥэ «Саллаат аҕата» мэтээли дойду үрдүнэн 300-чэ киһиэхэ туттардылар. Бу туһунан СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.
- Бородуукта 100 грамыгар төһө белок, углевод, сыа, калорий баара суруллар. - Аһылыкка төһөҕө диэри…
Хас да улууска +15 кыраадыска тиийэ сылыйыа. Ханныктарга? Кэлэр нэдиэлэҕэ күнү-дьылы билгэлээччилэр нуорматтан үрдүк температура…
Бу күннэргэ Нам улууһун Тоҥ Бас сайылыгын олохтоохторо сайылыктарыттан кыстыктарыгар көһүөхтэрэ. Онно сайылаабыт биэс ыалтан…
Туох буолбутай ол күн? 2022 сыллаах саас халаан уута кэлэн турара, өрүскэ халҕаһа муус устара.…
Амма улууһугар “Амма” массыына суолун оҥорооччулар 5,2 км аспаал алларааҥҥы араҥатын уурдулар, диэн СӨ Массыына…
Ленскэй оройуонугар саастаах дьахтар эргэ дьиэ боппуолдьатыгар (подполье) түһэн, онно алта чааһы быһа олорбут диэн…