Хаартыска: Мария Васильева, СИА.
Киин куорат Сайсары уокуругар элбэх өҥөнү оҥорор успуорт комплексын өрөгөйдөөх аһыллыыта буолла.
Бу комплекс баазатыгар 9 №-дээх оҕо успуорт оскуолата үлэлиэҕэ диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
“Комплекс 10 ый иһигэр түргэнник уонна аныгы кэм ирдэбилигэр эппиэттиир гына хаачыстыбалаахтык тутулунна. Маннык эбийиэктэр биһиги куораппыт, өрөспүүбүлүкэбит киэн туттуутунан буолаллар! Буолаары турар «Азия оҕолоро» норуоттар икки ардыларынааҕы успуорт оонньууларыгар элбэх саҥа рекорд олохтоноругар эрэнэбин”, — диэтэ СӨ Бырабыыталыстыбатын бэрэссэдээтэлэ Кирилл Бычков. Бу саҥа успуорт комплексын эбийиэгин уопсай иэнэ 2800 кв.м.
Оҕо успуорт оскуолатын дириэктэрэ Василий Рязанскай этэринэн, бастакы этээскэ 13 миэтэрэ үрдүктээх уус-уран гимнастиканан дьарыктанарга аналлаах саалалаах. Иккис этээскэ ким баҕалаах тустуу, бокс успуор көрүҥнэригэр уонна тренажернай саалаларга дьарыктаныахтара. Тренажернай саалаҕа нэһилиэнньэни күһүҥҥүттэн сырытыннарыахтара.
Успуорт комплекса “Демография” национальнай бырайыагынан “Спорт- олох нуормата” бырагыраама чэрчитинэн тутулунна. “Азия оҕолоро” оонньуулар кэмнэригэр саҥа саалаҕа волейболга күрэхтэһиилэр ыытыллыахтара.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…