Арассыыйа күнүгэр Намҥа оһуохайдьыттары чиэстээтилэр

Арассыыйа күнүгэр Намҥа оһуохайдьыттары чиэстээтилэр

12.06.2024, 21:24
Хаартыска: «Нам улууһа» МТ пресс-сулууспата
Бөлөххө киир:

Дойдуга Арассыыйа, өрөспүүбүлүкэҕэ Оһуохай күннэринэн “Дойдубут туһугар Эҥсиэлигэ оһуохай дуорайдын!» үөрүүлээх тэрээһин буолла.

Күндү ыалдьыттарынан өрөспүүбүлүкэтээҕи “Оһуохай” түмсүүнү тэрийээччилэртэн биирдэстэрэ, Баһылай Манчаары спартакиадатын төрүттээччи, Арассыыйа, СӨ Физическэй култуураҕа үтүөлээх үлэһитэ, Д.П. Коркин аатынан Судаарыстыбаннай бириэмийэ лауреата, СӨ Аар Дархан этээччитэ Афанасий Алексеев, суруналыыстыка бэтэрээнэ, СӨ үтүөлээх оһуохайдьыта, Саха сирин Дархан этээччитэ, 2023 с. СӨ Ил Дарханын стипендиата Марта Николаева, “Эҥсиэли оһуохайа” түмсүү кураатара, “СӨ төрөөбүт тыл сайдыытыгар уонна үйэтитиитигэр кылаатын иһин” бэлиэ хаһаайына, СӨ үтүөлээх оһуохайдьыта, СӨ Дархан этээччитэ, Саха сирин Дарханнарын сэбиэтин бэрэссэдээтэлэ Валентин Хорунов буоллулар.

«Нам улууһа» МТ пресс-сулууспата иһитиннэрбитинэн, төрөөбүт тыл сайдыытыгар улахан кылааттарын киллэрбит үтүөлээх оһуохайдьыттар «Нам улууһугар оһуохай сайдыытыгар кылаатын иһин” анал бэлиэнэн наҕараадаланнылар.

Бу күн «Эҥсиэли оһуохайа» түмсүү төрүттээччитэ Татьяна Евсеева инникитин ситиһиилэри баҕаран туран дуоһунаһын эдэр, кэскиллээх оһуохайдьыкка Вера Цыпандинаҕа туттарда.
Салгыы модун Арассыыйаҕа туһуламмыт оһуохай түһүлгэтэ тэрилиннэ. Тэрээһин түмүгэр уус-уран самодеятельность кыттыылаахтара «Мин дойдум — модун Арассыыйа» эҕэрдэ кэнсиэри бэлэх ууннулар.

Тэрийээччилэр Нам улууһугар оһуохай сайдарын туһугар үлэлэспит дьоҥҥо барҕа махтал тылларын тиэртилэр, «инникитин өссө да Эҥсиэли эһиэкэйэ эйээрэ, оһуохайа дуорайа турдун!» диэн алгыс тылларын анаатылар.

+1
4
+1
0
+1
0
+1
0
+1
0
+1
0
+1
0
Бары сонуннар
Салгыы
21 июля
  • 28°C
  • Ощущается: 28°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: