Хаартыска: Ил Дархан, бырабыыталыстыба пресс-сулууспата
Балаҕан ыйын 6 күнүгэр Бэрэсидьиэн Владимир Путин «Об Организационном комитете Национального центра «Россия» диэн ыйаахха илии баттаата.
Бу тэрийэр кэмитиэт Арассыыйа ситиһиилэрин көрдөрөр-сырдатар, национальнай санааны бөҕөргөтөр, эрэгийиэннэр үчүгэй уопуттарын тарҕатар, дойдунан киэн туттуу санаатын үөскэтэр, оҕолорго, ыччакка идэ үөрүйэхтэрин иҥэрэр сыаллаах. Салайааччынан бэрэсидьиэн дьаһалтатын салайааччытын бастакы солбуйааччы Сергей Кириенко ананна.
Бу саҥа тэриллибит кэмитиэт былаас уорганнара уонна «Арассыыйа» национальнай киин үлэтигэр кыттар тэрилтэлэр бииргэ үлэлэһиилэрин сүрүннүөҕэ, тэрээһиннэр былааннарын бигэргэтиэҕэ. Маны тэҥэ, бэрэсидьиэҥҥэ киин атын дойдулар баһылыктара кыттыылаах норуоттар икки ардыларынааҕы тэрээһиннэри ыытарга этиилэри киллэриэҕэ.
2024 сыл от ыйын 1 күнүгэр Владимир Путин «Арассыыйа» национальнай киини тэрийэр туһунан уураахха илии баттаабыта. Бу киин «Арассыыйа» быыстапка-дьаарбаҥка баайын харайыаҕа. Москваҕа Краснопресненскай кытылга турар.
«Арассыыйа» быыстапка-дьаарбаҥка 2023 сыл сэтинньи 4 күнүттэн 2024 сыл от ыйын 8 күнүгэр диэри ыытыллыбыта. Бу былаһааккаҕа дойду сүрүн ситиһиилэрэ көрдөрүллүбүттэрэ. Аны бу быыстапка саҥа тэриллибит национальнай кииҥҥэ бастайааннай үлэлиир буолуоҕа.
Сэтинньи 4-6 күннэригэр «Арассыыйа» национальнай кииҥҥэ «Создавая будущее» диэн норуоттар икки ардыларынааҕы научнай-фантастическай пуорум буолуоҕа. Учуонайдар, чинчийээччилэр, футурологтар, фантаст-суруйааччылар, былаас уорганнарын бэрэстэбиитэллэрэ кыттыыны ылыахтара.
Национальнай кииҥҥэ билигин симпозиуму сэргэ «Наследие для будущего» быыстапка үлэтин саҕалаата. Манна эдэр худуоһунньуктар үлэлэрэ туруоҕа.
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…
Ыалдьыты былыр үөрэ-көтө айдааран көрсүбэттэр этэ. Хайдах киһи дьиэҕэ киирбитин дьиэлээх тойон ороҥҥо сытан тута…
Садын оройуонун (билиҥҥитэ Мииринэй) Ботуобуйа сирэ-дойдута былыр былыргыттан дьон аймах сөбүлээн олохсуйбут сирэ буолар. Олохтоохтор…
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…
СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов "Үтүө санаа харыйата" аахсыйаҕа кыттыыны ылла. Адаптивнай үөрэх…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…