Арассыыйа олохтоохторо физкултууранан дьарыктаналларыгар кыһалҕалар баалларын туһунан Норуот пуруона РФ Бэрэсидьиэнигэр иһитиннэрдэ

Арассыыйа олохтоохторо физкултууранан дьарыктаныыларын хааччыйыыга кыһалҕалар баалларын туһунан Норуот пуруона РФ Бэрэсидьиэнигэр иһитиннэрдэ.

Норуот пуруонун исполкомун салайааччыта Михаил Кузнецов РФ Бырабыыталыстыбатын чилиэннэрин кытта сүбэ мунньахха маассабай физкултуураны өйүүр дьаһаллары олоххо киллэриигэ уонна балаһыанньаны тупсарыыга этиилэрин кэпсээтэ.

Норуот пуруона Бэрэсидьиэн дьаһалынан дойду олохтоохторо успуордунан дьарыктаналларын тула мониторинг ыытар уонна дьарык иһин нолуоктан төннөрүү (налоговый вычет) төһө үлэлиирин кэтиир. Бу көҕүлээһин көмөтүнэн 2025 сылга успуордунан дьарыктаныы иһин 19,5 тыһ.солк. тиийэ харчыны төннөрүөххэ сөп.

Атын кыһалҕанан оҕо оскуолатын инфраструктуратыгар успуордунан дьарыктанар гражданнар налоговай вычеты ардыгар сатаан ылбаттара буолар. Тоҕо диэтэххэ бу тэрилтэлэр успуорт министиэристибэтин иһинэн буолбакка, үөрэхтээһин тэрилтэлэрэ буолан ОКВЭД-ка көспүттэрэ.

Арассыыйа бэрэсидьиэнэ Владимир Путиин успуорт миниистирэ Михаил Дегтяревка Норуот пуруонун бэлиэтээһиннэрин учуоттууругар болҕомтотун уурда.