Аҕыйах ахсааннаах норуоттар уонна Аартыка дьыалаларыгар сис кэмитиэтин бэрэссэдээтэлэ Елена Голомарева дойду Бэрэсидьиэнэ В.В.Путин Федеральнай Мунньахха туһаайбыт Этиитигэр Хотугу Муустаах муора суолун сайыннарыы боппуруоһун ойуччу тутан иһитиннэрбитин, урбаан салгыы сайдыытын түстүүр этиилэрин итиэннэ бар дьонугар «Бары бииргэ сомоҕолостохпутуна, барытын кыайабыт!” диэн ыҥырыытын биһириирин туһунан тус санаатын үллэһиннэ.
— В.В.Путин Этиитигэр олохпут бары хайысхатын ырытан, чопчу соруктары туруоруутун киһи истэн олорон, Арассыыйабыт төһө да уустук быһыыга-майгыга ыктаран олордор, киһи чахчы да күүстээх дойдуга олоробун дии саныыр этиитэ буолла. Бэрэсидьиэн дойдубут сайдарыгар хас биирдии киһи эппиэтинэс ылыннаҕына, ол туһугар сомоҕолостоҕуна, барытын кыайабыт диэн эттэ. Ол иһин кини «Быть с Россией, со своей родиной!” диэн ыҥырыы таһаарда. Бу ис хоһооно сүрдээх улахан.
Владимир Путин үөрэхтээһиҥҥэ улахан болҕомтону уурарга эттэ. Урукку өттүгэр үчүгэйин дакаастаабыт бэйэбит үгэс көрүҥмүтүн үөрэх ситимигэр киллэрэн, саҥалыы сайыннаран үлэлиэхтээхпитин ыйда. Сыл иһигэр дойду үрдүнэн тыһыынчаттан тахсалыы оскуола тутуллар. Бу салҕаныа диэтэ. Аны научнай кэлэктииптэри, билим эдэр ыччаттары үчүгэйдик өйүүр туһунан иһитиннэрдэ.
Арҕаа дойдулар биллэрбит сааҥсыйалара биһиэхэ үлэлээбэтэ, дойду төттөрүтүн күүһүрэн биэрдэ, биһиги ханан даҕаны энчирээбэтибит, бэйэбит оҥорон таһаарыыбытын сайыннаран эрэбит, урукку собуоттар, фабрикалар чөллөрүгэр түһэриллэн, сөргүтүллэн, саҥа таһымҥа өрө тахсардыы үлэлииллэрин ситиһиэх тустаахпыт диэн, Владимир Путин Арассыыйаны кэһэтиэхпит диэбиттэрэ, табыллыбатаҕын тоһоҕолоон эттэ. Кини оҥорон таһаарар бородууксуйабыт уруккутааҕар улааппытын, үлэ ырыынага бигэтин, орто уонна кыра урбаан оҕустарбакка, бэйэтин үлэтин өссө кэҥэтэн биэрбитин бэлиэтээтэ.
Бырамыысыланнаска ипотеканы биэрии диэни сэргии иһиттим. Итинник ипотека сир баайын хостооһунугар эрэ буолбакка, оҥорон таһаарыыны сайыннарар санаанан үлэлиир дьоҥҥо 500 мөл. солкуобайга тиийэ 3 % ипотека кирэдьиитэ бэриллиэн сөп. Бу маннык өйөбүл ас-үөл бырамыысыланнаһыгар, бары хайысхаҕа кытта сыһыаннаах. Аны бырамыысыланнай кластердарга субсидияны күүскэ көрүллүөҕүн, манна үлэлиир урбаанньыттарга нолуокка чэпчэтиилэрин биэрэн, атахтарыгар туралларыгар көмөлөһүөххэ диэтэ. Бу урбаан сайдарыгар үчүгэй хардыынан буолла.
Хотугу Муустаах муора суолун сайыннарыы боппуруоһун ойуччу тутан иһитиннэрдэ. Ити суол тутуллуута онно олорор дьон олоҕор эрэ буолбакка, барытыгар көдьүүһү эрэ аҕалыаҕын ыйда. Билигин «О северном завозе» диэн улахан федеральнай сокуон оҥоһуллуутугар РФ Уһук Илини уонна Аартыканы сайыннарыыга министиэристибэтин кытта өрөспүүбүлүкэ салалтата, Госдуумаҕа дьокутааппыт Галина Данчикова уонна парламент тэҥҥэ үлэлэһэ олоробут. Маны оҥорууга Саха сирин оруола наһаа улахан. Бу сокуон ылыллыахтаах. Ити суол аһыллыытыгар бэлэмнэнэн билигин Аартыка улуустарыгар логистическай кииннэр тутулла, арылла тураллар. Олорго ас-үөл эрэ буолбакка, туох баар наадалаах мал, бырамыысыланнай диэн ааттанар табаардар, барыта тиэллэн кэлэр буолуоҕа. Бу табаардар сөптөөх сыананан атыыланан, дьон олоҕун тупсарыахтаахтар.
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…