Арассыыйа бэрэсидьиэнин пресс-сулууспата
Арассыыйа бэрэсидьиэнэ Владимир Путин ыам ыйын 26-27 күннэригэр Узбекистан бэрэсидьиэнэ Шавкат Мирзиёев ыҥырыытынан Ташкеҥҥа баран үлэлээн кэллэ. Кэпсэтиилэр түмүктэринэн икки дойду 27 докумуоҥҥа илии баттаста. Ол иһигэр Арассыыйа уонна Узбекистан уопсай иһитиннэрии таһаардылар.
Иһитиннэриилэригэр, бастатан туран, икки дойду лидердэрэ дойдуларга куттал суох буолуутун хааччыйыы өссө күүһүрүөҕүн бэлиэтээтилэр. Онуоха терроризмы, экстремизмы утары охсуһуу бастакы күөҥҥэ турар боппуруос буоларын эттилэр. Ону таһынан Афганистан Киин Азияҕа барытыгар дьайа турарынан, манна или, эйэни олохтооһуҥҥа биир ситимнээх үлэни ыытыахтарын иһитиннэрдилэр.
Арассыыйа Узбекистаны кытары энергетикаҕа, тыа хаһаайыстыбатыгар, бырамыысыланнаска, үөрэххэ, о.д.а. эйгэлэргэ барыта 200-тэн тахса улахан бырайыакка үлэлэһэ олорор. Кэлэр сылларга дойдулар табаарынан эргиниилэрэ сылга 30 миллиард дуолларга тэҥнэһиэхтээх. Онуоха икки дойду атыыны-тутууну ыытыыга, инвестицияны хардарыта киллэриигэ үлэни өссө хаҥатарга эттилэр.
Биир сүрүн боппуруоһунан иһитиннэриигэ тырааныспар, суол-иис, таһаҕаһы таһыы сайдыытын киллэрдилэр. Санатан эттэххэ, былырыын тыа хаһаайыстыбатыгар “Агроэкспресс” диэн бырайыак үлэҕэ киирбитэ.
Икки дойду лидердэрэ норуоттар икки ардыларынааҕы сыһыаннаһыыга улахан болҕомтолорун уурдулар. Арассыыйа уонна Узбекистан Холбоһуктаах Нациялар, Тутулуга суох судаарыстыбалар, Шанхайдааҕы бииргэ үлэлэһии түмсүүлэр, Евразиятааҕы экэниэмикэ сойууһун, о.д.а. түмсүүлэр былаһааккаларыгар бииргэ куолаан үлэлииллэр. Онон манна эмиэ туспа былаан ылыннылар.
Арассыыйа уонна Узбекистан миграннар уонна биэнсийэ боппуруостарыгар дуогабардары баттаһыахтарын туһунан иһитиннэрдилэр. Итини таһынан доруобуйа харыстабылыгар, туризмҥа, үөрэххэ, наукаҕа, спортка, култуураҕа баар бырайыактарын саҥардан биэриэхтэрэ. Ол иһигэр 2025 сылга Кыайыы 80 сылын көрсө биир ситимнээх үлэни ыытыахтара.
Бу күннэргэ социальнай ситимҥэ Дьокуускай куоракка Можайскай уулуссаҕа биир эр киһи массыыналаах киһини охсуталыыр видеота…
Ис дьыала министиэристибэтин Чурапчытааҕы дьуһуурунай чааһыгар маҕаһыын хаһаайыныттан сайабылыанньа киирбит. Ол курдук маҕаһыыныттан 77 000 …
Дьону таһар тырааныспар хойутаан кэллэҕинэ, таһааччылары ыстарааптыыр туһунан сокуон барылын ЛДПР дьокутааттара Госдуумаҕа киллэрдилэр. …
Саха сиригэр икки улахан далааһыннаах тэрээһин буолаары турар: Олоҥхо ыһыаҕа уонна Манчаары оонньуулара. СӨ Бырабыыталыстыбатын…
Бу күннэргэ Үөһээ Бүлүү улууһун Мэйик нэһилиэгэр Арассыыйаҕа Аҕа дойдуну көмүскээччилэрин, Саха сиригэр Ийэ дойдуну…
Быһылаан өссө тахсыбатын туһугар ГИМС иниспиэктэрдэрэ сэрэтэр эриэйдэлэри ыыталлар Кылгас сайыннаах буоламмыт, күн итийдэ да…