Арассыыйаҕа Билим күнүнэн араас тэрээһиннэр ыытыллыахтара

Бу күн дойду үрдүнэн билимҥэ сыһыаннаах араас тэрээһиннэр буолаллар. Кэлин оскуола оҕотуттан саҕалаан улахан дьоҥҥо тиийэ хабаллара кэрэхсэбиллээх. Быйыл Дьокуускайга «аһаҕас аан» күннэрин тэрийэллэр.

Ол курдук, олунньу 8 күнүгэр РНА СС В.П. Ларионов аатынан хотугу сир кыһалҕаларын үөрэтэр физика-тиэхиньикэ института, РНА СС Ю.Г. Шафер аатынан космофизическэй чинчийиилэр уонна аэрономия института, РНА СС Н.В. Черскэй аатынан хотугу дойду хайа дьыалаларын института, РНА СС Саха сирин ирбэт тоҥ буордаах зонатын биологическай кыһалҕаларын чинчийэр, уо.д.а. институттар араас экскурсиялары, лиэксийэлэри, кэпсэтиилэри, үлэлэрин кытта билиһиннэриилэри тэрийэллэр, маастар-кылаастары, оонньуулары ыыталлар.

Оскуола үөрэнээччилэрин бөлөхтөрүн барыллаан эрдэттэн сурутуунан көрсөллөр. Сиһилии бу ыйыллыбыт сигэнэн киирэн көрүҥ, сурутуҥ, билим үлэһиттэрэ бэйэлэринэн кэпсиир түгэни куоттарымаҥ.