Арассыыйаҕа онлайн-оскуолалар академия эбэтэр университет диэн ааттаналларын бобуохтарын сөп

Үөрэҕи уонна билими кэтээн көрөр федеральнай сулууспа онлайн-оскуолалар эбэтэр куурустар “академия”, “институт”, “университет” диэн ааттаналларын бобор туһунан сокуон барылын өйөөбүт.  

“Сокуон барылын мин оҥорбутум. Онно олоҕуран үөрэх тэрилтэлэрин аатыгар “институт”, “университет”, “академия” диэн тыллар орто анал үөрэх, үрдүк үөрэх бырагыраамаларыгар үөрэтэр уонна билим чинчийиитин эрэ ыытар үөрэх тэрилтэлэрэ ааттаныахтаахтар… Тустаах боппуруоска биһиги Үөрэҕи уонна билими кэтээн көрөр федеральнай сулууспа өйөбүлүн номнуо ыллыбыт” – диэн Судаарыстыбаннай Дуума дьокутаата Яна Лантратова  иһитиннэрбит.

Кырдьык, кэлин онлайн университеттар, оскуолалар, куруустар ардах кэнниттэн тэллэй үүнэрин курдук күөрэйэн эрэллэр. Бэрээдэктиир уолдьаста.