Археологтар хойукку неолит кэминээҕи киһи малын-салын буллулар

Археологтар Дьокуускай  куорат пааркатыгар былыргы киһи  олорбут  сирин буллулар. Бу туһунан ТАСС иһитиннэрэр. Быһа холоон  б.э.и. III-II тыһ. анараа өттүнээҕи хойукку неолит буолуон сөп.

Бу туһунан ТАСС-ка С.Федосеева аатынан арктическай научнай-чинчийэр Археология  түмэлин  салайааччытын эбээһинэһин толорооччу Елена Соловьева иһитиннэрбит.

Ол курдук   717 биридимиэт булуллубут, ол иһигэр оһуордаах керамическай иһит, ох саа оноҕосторо, ону сэргэ кыыл уҥуохтара бааллар.  Эрдэ паарка сиригэр-уотугар археология пааматынньыктара булуллубуттара.