Ульяна Захарова хаартыскаҕа түһэриитэ
«Муус устар» бэстибээл иитинэн «Архитон» диэн эдэр архитектордар куонкурустара «Точка кипения» дьиэтигэр буолла.
Бу туһунан тэрийээччилэртэн биирдэстэрэ, «Максима недвижимость+»архитектора Анастасия Баишева санаатын үллэһиннэ:
-Куонкурус нэһилиэнньэҕэ архитектура култууратын билиһиннэрэр уонна сайыннарар соруктаах ыытылынна. Бэстибээлгэ трек быһыытынан бастакыбытын киирдибит. Бу иннинэ айти кулуупка оҕолорго архитектура кууруһун арыйбыппыт. Онно «Парк будущих поколений» кыттыһан үлэлээбиппит. Быйыл үһүс сылбытыгар муус устарга киирсэн хамаандалары хомуйдубут. Соруга бу эйгэни кытта алтыһа үөрэнэллэрин туһугар ыытыллар. Ол курдук кыттааччылар манна куонкуруска кэлэн үөрэнэннилэр. Москваттан ыҥырыылаах ыалдьыттар кэлбиттэрэ, Андрей Киселев диэн иллюстратор, педагог кэлэн көмөлөһөөччүтүн кытта кэлбитэ. Үс күнү быһа хас биирдии хамаанданы кытта үлэлэстилэр. Уопсайа 22 сайаапка киирбитэ. Онтон 17 хамаанда үлэтин ыыппыта. Кыттааччылар Дьокуускай куорат Курашов аатынан уулуссаҕа ыччат искибиэрин бырайыагын, архитектуратын оҥоруохтаахтар этэ.
Хамаандаҕа үстүү киһилээх кытыннылар. Эспиэрдэр үлэлэри сыаналаабыттара. Уон үрдүк бааллаах хамаанданы манна ыҥырбыппыт. Оскуола оҕото, устудьуон уонна исписэлиис диэн биир хамаандаҕа киирэн үлэлээтилэр. Үлэлэрин бэҕэһээ көмүскээбиттэрэ. Бастакы миэстэни Ньурба улууһун хамаандата ылла. Онно эдэр архитектор кыыс баар, ону сэргэ дизайнердаахтар, худуоһунньуктара оскуола оҕото. Тэҥҥэ үллэстэн бэркэ үлэлээтилэр. Куонкурус устатын тухары туспа сорудах биэрбиппит. Дьокуускай куоракка уопсастыбаннай эйгэни тупсарыыга сорудахтар киирбиттэрэ. Олору тупсарыыга бэриллибит сорудахтары талан оҥорбуттара. Эһиил баҕар бу киирбит идиэйэлэри олоххо киллэриэхпитин сөп. Кыайбыт хамаанда улууһа тупсарыыга үбүнэн наҕараадаланар, ону сэргэ хамаандалар туспа харчынан сэртипикээт ыллылар. Иккис миэстэни Жатай бөһүөлэгэ уонна үһүс миэстэни Чурапчы улууһун хамаандата ылла. Онон кыайыылаахтары эҕэрдэлиибит!
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…