Арктическай атыы логистическай хампаанньа Саха сиригэр үүнэр дьиикэй отоннору нэһилиэнньэттэн тутуутун саҕалаата.
Ол курдук, маннык соҕотуопкалааһын пуунун атыы логисическай хампаанньа баазатыгар тэрийии уонна сир аһын нэһилиэнньэттэн тутуу туһунан сорудаҕы Ил Дархан Айсен Николаев биэрбитэ.
«Билиҥҥи туругунан Абый, Булуҥ, Эдьигээн оройуоннарыгар баар филиалларбыт олохтоох нэһилиэнньэттэн морошка, сугун, отон тутарга бэлэмнэр», — диэн СӨ Бырабыыталыстыбатын бэрэссэдээтэлин солбуйааччы Ольга Балабкина иһитиннэрдэ.
СӨ Хотугу норуоттар дьыалаларын уонна Арктиканы сайыннарыы министиэристибэтигэр бэлиэтээбиттэринэн, сир аһын бородууктаҕа, атын да табаарга атастаһыахха сөбүн туһунан иһитиннэрбиттэр. Бу күннэргэ атыы логистическай хампаанньа сибиэһэй оҕуруот аһын хоту улуустарга ыытаары ыскылаатыгар мунньар. Ол курдук 60 туонна төгүрүк лук, ону таһынан олохтоох оҥорон таһаарааччылартан 660 туонна оҕуруот аһын бэлэмниэҕэ. Мантан 484 туонна арктическай оройуоннарга ыытыллыахтара. Былаан быһыытынан атырдьах ыйын 26 күнүттэн балаҕан ыйын 10 күнүгэр диэри түөрт суудуна айанныаҕа. Бэс ыйын саҥатыттан Магадан уобалаһын нөҥүө Халыма өрүһүнэн Орто Халымаҕа 27 туонна сибиэһэй оҕуруот аһа, Зырянкаҕа -15 туонна, ону сэргэ көтөр аалынан Сааскылаахха 3,6 туонна сибиэһэй хаппыыста, сүбүөкүлэ, моркуоп тиэрдиллибитэ. Ону таһынан АН-2 сөмөлүөт биэс рейсинэн 1,5 туонна сибиэһэй оҕуруот аһын Дьааҥы оройуоннарыгар тиэрдибитэ.
Бэлиэтээн эттэххэ, бүтэһик икки сылга Саха сиригэр аҕыс атыы логистическай киинэ тутуллан үлэҕэ киирбит. Бу кииннэр суудуналар устан кэлэр биэрэктэрин таһыгар тутуллубуттара. Ол курдук Уус Куйга, Белай Гора, Абый, Черскэй, Зырянка, Тиксии, ону таһынан Сааскылаах, Эдьигээн уонна Орто Халыма куоратыгар. Арктика олохтоохторун олохторун хаачыстыбатын тупсарыыга бу олус улахан суолталаах кииннэр. Маны таһынан 2025 сылга диэри Ил Дархан Айсен Николаев дьаһалынан Арктика бары улуустарыгар маннык логистическай кииннэр баар буолуохтара.
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…
Балаҕан ыйын 20 күнүгэр, Намҥа Судаарыстыбаннай филармония симфоническай оркестрын кэнсиэрэ буолуоҕа. (далее…)