«Арктика» айан суола аһылынна

Бүгүҥҥүттэн, сэтинньи 25 күнүттэн, «Арктика» айан суолун 0+000 км – 187+000 км (Бурустаах м. – Сааһыыр сэл.) хонтуруолунай бэрэбиэркэлээһин түмүгүнэн 20 туоннаҕа диэри уйуктаах тырааныспардарга сырыы көҥүллэннэ.

Бу туһунан «Арктика суоллара» тэрилтэ иһитиннэрэр.

Итини сэргэ бүгүҥҥүттэн «Арктика» айан суолун 876-й км – Ойуһардаах сэл. киирии, 489+458 км – Нелемнэй сэл. киирии учаастактарыгар (Зырянка бөһ. – Нелемнэй сэл.) 5 туоннааҕа диэри уйуктаах тырааныспарга сырыы көҥүллэннэ.

Ол эрээри массыыналар айаннарын икки ардыларыгар 70 м тэйиччи айанныыллара ирдэнэр.