Хаартыска: Үөрэх уонна билим министиэристибэтиттэн.
Бүгүн Краснодарскай кыраай Туапсе оройуонун “Дон” оҕону чэбдигирдэр лааҕырга 76 оҕо көттө. Итинтэн 23 оҕо Дьааҥы улууһуттан “Арктика оҕолоро” бырагырааманан, 53 оҕо “Үөрэҕи сайыннарыы” судаарыстыбаннай бырагыраама иитинэн бардылар.
Дьааҥы улууһун Бөтөҥкөс сэлиэнньэтин төрөппүттэрэ бу курдук санааларын үллэстэллэр: “Оҕолорбутугар Краснодарскай кыраай “Дон” лааҕырыгар сынньаналаҥы тэрийбиттэригэр махтанабыт. “Арктика оҕолоро” бырайыак иитинэн босхо путевка уонна айаннарын төлөбүрүн уйуммуттарын иһин СӨ үөрэҕин уонна билимин миниистиригэр Ирина Павловна Любимоваҕа, Арктика уонна хотугу норуоттар дьыалаларын миниистиригэр Владимир Николаевич Черноградскайга махтанабыт”.
“Соһуччу бэлэҕинэн буолбут путевкаттан оҕолорбут олус үөрдүлэр. Мин кыыһым Маргарита Потапова Дьааҥы улууһун Элгэс оскуолатыгар 7-с кылааһыгар үөрэнэр. Оҕобутугар муораҕа сынньанар түгэн тосхойбутуттан икки бүк үөрэбит. Үөрэх министиэристибэтигэр, улуустааҕы үөрэх управлениетыгар босхо путевка көрбүттэригэр махтанабыт. Оҕолорбут үөрэн-көтөн, күүс-уох эбинэн кэлэллэригэр эрэнэбит”, — Маргарита ийэтэ диэн Евгения Васильевна санаатын этэр.
Оҕолор бириэмэлэрин олус бэркэ атааралларыгар, доруобуйаларын бөҕөргөтүнэллэригэр уонна үгүс саҥа доҕордонон кэлэллэригэр баҕарабыт. Бу туһунан Үөрэх уонна билим министиэристибэтин пресс-сулууспата суруйар.
Бэнидиэнньиккэ, 2025 сыл ахсынньы 29 күнүгэр, СӨ Үөрэҕин уонна наукатын миниистирин солбуйааччы Степан Андреевич Степанов…
Сэҥээрэ Саҥа дьыллааҕы хоһоонноро. Дорообо, кыһыммыт! Тулабыт иһийдэ, Налыйда-наскыйда. Уһаата-кэҥээтэ Уоскута чуумпурда... Дьэ онтон үөһэттэн…
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…