Хаартыска: ru.freepik.com
Сэҥээрэ Саҥа дьыллааҕы хоһоонноро.
Дорообо, кыһыммыт!
Тулабыт иһийдэ,
Налыйда-наскыйда.
Уһаата-кэҥээтэ
Уоскута чуумпурда…
Дьэ онтон үөһэттэн
Маҕан хаар кыырпахтар
Бииртэн биир тэлээрэн
Оргууйдук түстүлэр.
Сиккиэр тыал эмискэ
Арҕааттан аргыйда.
Маҕан хаар үҥкүүтэ
Тулабар дьэргэйдэ!
Хара сир кылбайда,
Тунаара тубуста.
Ып-ыраас саҥа хаар
Сирбитин бүрүйдэ.
Дорообо, кыһыммыт,
Кэлбитиҥ үчүгэй!
Саҥаттан сылбытын
Саҕалыа этибит!
Томороон тымныыбыт
Тоҥоро торолуй!
Туох бары куһаҕан
Тимирдин бу сиртэн!
Саҥа хаар тымныыта,
Дьыбара-чысхаана
Ыраастаа салгыны,
Куһаҕан санааны!
Сир ийэ уоскуйдун
Үллүктээ хаарынан!
Саҥалыы эрчими
Бэлэхтээ бар дьоҥҥо!
Саҥа дьыл, дорообо!
Сыл аайы күүтүүлээх,
Ып-ыраас иэйиилээх,
Сып-сырдык ыралаах,
Саҥа дьыл, дорообо!
Халлаан үөр сулуһун
Кутаа уот суһумун,
Үөрүү, дьол утаҕын,
Ыһар Эн түбүгүн!
Табыллыы тайаннын,
Ситиһии сиэттистин!
Уйгуну түстээтин!
Үүнэр сыл дьон ахсын!
Эҕэрдэ эркиннээх,
Эйэҕэс мичээрдээх,
Эдэрдии эрчимнээх
Саҥа Сыл, дорообо!
Сэҥээрэ.
Майа сэлиэнньэтин муниципалитета "Майа Сайына» — Лето Майи: как жители села своими руками изменили территорию…
Кэлэр сылга үбүлүөйдээх Олоҥхо ыһыаҕа Ленскэй оройуонугар ыытыллыаҕа. Сүрүн тэрээһиннэр от ыйын 3–4 күннэригэр буолуохтара,…
Арассыыйа Бэрэсидьиэнэ Владимир Путин куораттары сайыннарыыга уонна тупсарыыга аналлаах мунньах түмүгүнэн дьаһаллары бигэргэттэ. Бу дьаһаллар…
РФ Дьоруойа Александр Находкин Дьокуускай куорат устудьуоннарын уонна оскуола үөрэнээччилэрин кытта патриотическай көрсүһүүлэрин саҕалаата. Бастакы…
Алтынньы 24 күнүн киэһэтиттэн саҕалаан сэтинньи 13 күнүгэр диэри куйаарга Ретрограднай Меркурий кэмэ. Астрологтар сэрэтэллэр:…
Алтынньы 31 күнүгэр Дьокуускайга анал байыаннай дьайыыга сылдьан өлбүт байыас Андрей Георгиевич Исаков («Кречет» позывнойдаах)…