Хаартыска sakha.gov.ru ылылынна
Быйыл мобильнай биригээдэлэр өрөспүүбүлүкэтээҕи кииннэрин (РЦМБ) быраастара Арктика оҕолоругар ураты болҕомтолорун ууруохтара.
Ил Дархан Айсен Николаев биллэрбит СӨ Оҕо саас сылынан, быраастар биригээдэлэрэ хотугу улуустар оҕолорун доруобуйаларын көрөргө болҕомтолорун өссө улаатыннарыахтара. Бу нэһилиэнньэ, кэнчээри ыччат доруобуйатын тупсарарга туһуланар. Маны сэргэ, үлэ өрөспүүбүлүкэҕэ РФ Бэрэсидьиэнэ Владимир Путин сорудаҕын толоруу чэрчитинэн, мэдиссиинэ көмөтүн хаачыстыбатын үрдэтэр сыаллаах ыытыллар.
Уопсайа 13 быраастаах биригээдэ уонна стоматологтар бөлөхтөрө тохсунньу 27 күнүгэр Аллараа Халымаҕа барар былааннаахтар. Быраастар икки нэдиэлэ устатыгар улуус бары нэһилиэнньэлээх пууннарыгар сылдьыахтара. Маныаха оройуон дьаһалтатын кытта бииргэ тырааныспарынан айан-сырыы былаана оҥоһуллубут.
Быраастар биригээдэлэрэ Аллараа Халымаҕа сылдьан баран, салгыы Эбээн Бытантайга айанныахтара. Ити курдук, сыл устата арктическай оройуоннар нэһилиэнньэлэригэр сылдьан оҕолор доруобуйаларын көрүөхтэрэ.
2024 с. тохсунньу 31 күнүттэн олунньу 6 күнүгэр диэри быраастар биригээдэлэрэ Дьааҥыга, Абыйга, Өлөөҥҥө, Аллайыахаҕа, Булуҥҥа, Усуйаанаҕа сылдьыахтара.
СӨ Ил Дарханын уонна Бырабыыталыстыбатын пресс-сулууспата
Хоту арктическай улуустары аһынан-табаарынан хааччыйыы биир тирээн турар сорук буолар. Сайынын уу суолунан таһаҕас тиэммит…
Бүлүү улууһун Үгүлээт нэһилиэгиттэн байыаннай дьайыыга сулууспалыы сылдьар "Малой" диэн позывнойдаах байыас Бүлүү улууһун олохтоохторугар,…
Орто Халыма куорат маастара Алексей Егорович Тарасов кэлэр сыл бэлиэтин -- Моҕойу хаартан оҥордо. [gallery…
Т-80 тааҥка “Алеша” экипаһа ВСУ холуоннатын тоҕута сынньан дьоруойдуу быһыыны оҥорбутун күөх экраҥҥа көрбүппүт. Бу…
Дьокуускайга "Надежда" уһуйаан иитиллээччилэригэр Тымныы Оҕонньор уонна Хаарчаана түннүгүнэн көстөн ааспыттар. Оҕолор үөрүүлэрэ муҥура суох. …
Саха сиригэр ааспыт сууккаҕа биэс буруйу оҥоруу тахсыбытын туһунан СӨ борокуратуура иһитиннэрэр. Мииринэй оройуонугар дьахтар…