Хаартыска sakha.gov.ru ылылынна
Авиатордар Арктикаҕа уонна уустук суоллаах-иистээх нэһилиэктэргэ 160 туоннаттан тахса социальнай суолталаах аһы-үөлү тиэрдэр туһуттан, 58 салгын аалынан рейс оҥордулар.
Ас-үөл «Якутоптторг» ситимигэр, эргиэн-логистика кииннэрин киллэрэн туран тиэрдиллэр. Ол курдук, салгын аалынан уопсайа 416,9 туонна ас-үөл арааһа Арктика оройуоннарыгар тиэрдиллэрэ былааннанар. Быйыл 1,7 тыһ. туонна былааннаммыт буоллаҕына, таһаҕас таһыытын кэмигэр, 2,6 тыһ. туонна социальнай суолталаах ас-үөл тиэйилиннэ. Сыл бүтүөр диэри тырааныспар араас көрүҥүнэн бородууксуйаны таһыы кээмэйэ 10,7 тыһ. туонна буолуоҕа.
Магадан уобалаһыттан Халыма өрүһүнэн анал дьоҕус катердарынан аһы-үөлү таһыы быраактыкатын сөбүлээбиттэр. Тиэйии саҥа схемата тырааныспар ороскуотун намтатара уонна тиэйиллэр бородууксуйа кээмэйин улаатыннарарга кыаҕы биэрэрэ бэлиэтэммит. Ол курдук, дьоҕус суудуналар Халыма оройуоннарын бөлөҕөр 114,3 туонна ас-үөл арааһын тиэрдибиттэрэ, салгын аалынан 25 рейс оҥорон таспыкка тэҥнээҕэ быһаарыллыбыт.
Санатан эттэххэ, өрөспүүбүлүкэ Арктическай оройуоннарыгар эргиэн-логистика кииннэрэ «2035 сылга диэри кэмҥэ Саха Өрөспүүбүлүкэтин Арктическай зонатын социальнай- экэнэмиичэскэй сайдыытын стратегиятын туһунан» Ил Дархан Ыйааҕын чэрчитинэн тэриллэллэр. Айсен Николаев сорудаҕынан 2025 сыл бүтүөр диэри эргиэн-логистика кииннэрэ өрөспүүбүлүкэ 13 оройуонугар баар буолуохтаахтар. Билиҥҥи туругунан Абыйга, Усуйаанаҕа, Аллараа Халымаҕа, Анаабырга, Орто Халымаҕа, Дьааҥыга үлэлииллэр. Маны сэргэ, быйыл сыл бүтүөр диэри өссө Эдьигээҥҥэ уонна Тиксиигэ атыы-эргиэн кииннэрэ аһыллаллара күүтүллэр.
СӨ Ил Дарханын уонна Бырабыыталыстыбатын пресс-сулууспата
Кыһын чугаһаан, атыы-эргиэн кииннэригэр саҕынньах, унтуу, сылаас таҥас атыыта элбээтэ. Бу күннэргэ Дьокуускай куоракка биир…
Саха сиринээҕи Аҕа дойду буойуннарын дьиэ кэргэттэрин кэмитиэтин салайааччы Марина Бахилина Ростов-на-Дону куоракка буолбут «СВОи…
ЫБММ пресс-сулууспата иһитиннэрбитинэн, алтынньы 17 күнүгэр түүн 02:45 ч. баһаарынай-быыһыыр сулууспаҕа Ленскэй улууһун Нуотаратыгар орто…
Алтынньы 16-17 күннэригэр Дьокуускайга култуура волонтердарын өрөспүүбүлүкэтээҕи пуорума ыытыллар. Пуорумҥа уопуттаах волонтердар уонна хамсааһыҥҥа саҥа…
Ленскэй оройуонугар суут ийэтэ буоларын бигэргэтэн баран, оҕону дьиэ кэргэҥҥэ төнүннэрдэ. Ленскэй оройуонун суутугар…
Арассыыйа көҕүлээһининэн бэҕэһээ Владимир Путин уонна Дональд Трамп ахсыс төгүлүн икки аҥар чаас устата төлөпүөнүнэн…