Хаартыска: Андрей Сорокин
Бэҕэһээ, бэс ыйын 1 күнүгэр, Ил Дархан Айсен Николаев Арктикатааҕы Эпос уонна ускуустуба киинин тутуутугар тиийэн, миэстэтигэр көһө сылдьар мунньаҕы ыытта.
Мунньах кэмигэр Аҕа баһылык үлэ кыраапыгар киирэн, тутууну тэтимирдэргэ сорук туруорда.
“Бүгүҥҥү күҥҥэ тутууга 250 оробуочай үлэлиир. Тутааччы ахсаанын 360 киһиэхэ тиэрдэн, үлэ суукканы эргиччи икки симиэнэнэн үлэлиэхпит. Бу сүүнэ эбийиэги Бүтүн Арассыыйатааҕы тутуунан ааҕыахха сөп. Манна биһиги дойду бастыҥ инженернэй каадырдарын мунньан үлэлэтэбит, — диэн санаатын үллэһиннэ “ВИС” бөлөх дириэктэрдэрин сэбиэтин чилиэнэ Сергей Ромашов.
Өрөспүүбүлүкэ духуобунаһын академиятын бэрэсидьиэнэ, СӨ судаарыстыбаннай сүбэһитэ Андрей Борисов бэлиэтээбитинэн, Арассыыйа бэрэсидьиэнэ Владимир Путин өйөбүлүнэн култуурунай-үөрэтэр комплекстар бүгүн дойду илин өттүгэр, арҕаа уонна соҕуруу тутулла тураллар. Ол курдук, бэрэсидьиэн кииннэрэ Владивостокка, Кемеровоҕа, Севастопольга уонна Калининградка тутуллаллар.
Сыстыганнаах дьаҥ кэмигэр үлэ тохтоон баран, ааспыт сылтан сөргүтүллэн, үлэ күөстүү оргуйар. Бөдөҥ тутуу билигин көҥдөйө оҥоһулла сылдьар.
Сэттэ мэндиэмэннээх 33 тыһыынча кв. м иэннээх 1500 миэстэлээх сүүнэ улахан эбийиэк — Арктикатааҕы Эпос уонна ускуустуба киинэ бүгүҥҥү күҥҥэ сыбаайата оҥоһуллан, туттааччылар дьиэ монолитнай каркааһын бэлэмнииллэр. 13,5 тыһыынчаттан тахса кубометр бетон кутуллан турар.
Баараҕай тутуу Уһук Илин уокуругар бастакы тутуу буолар. 2024 сылга ахсынньыга тутуллан бүтэн, үлэҕэ киирэрэ былааннанар. Маны таһынан, манна улахан тэрээһиннэргэ анаммыт саала уонна быыстапкалыыр сир, тыаһы-ууһу устар, таҥар устуудьуйалар, кафелар уонна эрэстэрээннэр баар буолуохтара. Бу кииҥҥэ Саха филармонията, Олоҥхо уонна Саха академическай тыйаатырдара киириэхтэрэ. Култуура кластерыгар классическай кэнсиэрдэртэн саҕалаан, тыйаатыр туруорууларыгар тиийэ улахан тэрээһиннэр ыытыллыахтара.
Эпос уонна ускуустуба киинэ Сайсары күөл кытыытыгар турар. Бырайыак былаан быһыытынан дьон сылдьарыгар уонна сынньанарыгар анаан оҥоһуллуоҕа. Ону тэҥэ култуура киинэ эргиччи уопсастыбаннай сынньанар сиринэн буолуоҕа.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…