Хаартыска: Арктикатааҕы култуура уонна искусство института.
Арктикатааҕы култуура уонна ускуустуба судаарыстыбаннай институтугар 1194 сайабалыанньа киирбит. Былырыын 777 эбит. Бүддьүөт миэстэтигэр биир кэлим эксээмэн орто баала 66 тэҥнэспит.
Атырдьах ыйын 11 күнүнээҕи туругунан, бүддьүөт суотугар 139 киһи үөрэххэ киирбит (8 киһи приоритетынан үөрэххэ ылыы түһүмэҕэр, ол иһигэр 1 киһи туспа кубуотанан уонна 131 киһи сүрүн түһүмэххэ).
Киин тутар хамыыһыйа эппиэттиир сэкирэтээрэ Татьяна Петрова иһитиннэрбитинэн, ордук элбэх сайабылыанньа “культурология” идэтигэр киирбит, биир миэстэҕэ 13 киһи куонкурустаспыт.
Итини тэҥэ, «киинэ-, хаартыска- уонна видео айымньытын устуудьуйатын салайааччыта» диэн саҥа хайысхаҕа үрдүк куонкурус бэлиэтэнэр (биир миэстэҕэ 10 киһи). Ордук сэҥээриллэр идэлэринэн “бибилиотечнай информационнай үлэ” (биир миэстэҕэ 7 киһи), “живопись”, “графика” (биир миэстэҕэ 6 киһи) буолаллар. Быйыл аан бастакытын магистратураҕа “култуура индустриятын дизайна” хайысхаҕа бүддьүөт суотугар устудьуоннары ылар.
Санатан эттэххэ, Арктикатааҕы култуура уонна ускуустуба судаарыстыбаннай института бүддьүөт миэстэлэригэр кэтэхтэн үөрэххэ бакалавриат бырагырааматыгар маннык идэлэргэ иккис түһүмэҕи (поток) арыйар: «проектный менеджмент», «постановка и продюсирование культурно-досуговых программ», «руководство этнокультурным центром».
«Цифровые технологии в музейной деятельности» исписээлинэскэ күнүскү уонна кэтэхтэн үөрэххэ абитуриеннартан сайабылыанньалары тутар. Бары хайысхаларга төлөбүрдээх үөрэххэ ылыы салҕанар. Маны таһынан, СӨ Үөрэҕин уонна билимин министиэристибэтин кытта тус сыаллаах үөрэххэ дуогабар түһэрсэр кыахтааххыт. Бу туһунан институт пресс-суулуспата иһитиннэрэр.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…