Арыылаахтар хоһоону күргүөмүнэн аахтылар, оһуохайдаатылар

Уус Алдаҥҥа Арыылаах олохтоохторо Өрөспүүбүлүкэ күнүн олус тэрээһиннээхтик бэлиэтээтибит.

Ол курдук, бу ураты бэлиэ күн «Саха сирин ытык сирдэрэ» диэн оскуола оҕолорун уруһуйдарын быыстапкатыгар элбэх киһи сырытта, оҕолор үлэлэрин көрөн-истэн сэҥээрдилэр. Маны сэргэ биир дойдулаахпыт, буойун-поэт И. Артамонов «Төрөөбүт алааһым» хоһоонун күргүөмүнэн ааҕыыны дьон-сэргэ хайҕаата, астынна. Музыкальнай эҕэрдэлэри истээри, оһуохайгы кыттаары түһүлгэҕэ элбэх киһи муһунна.

Онон биһиги нэһилиэкпитигэр бэртээхэй тэрээһин ыытылынна, сүргэбит көтөҕүлүннэ. Тэрээһиҥҥэ уопсайа 49 киһи, ол иһигэр 24 оҕо кыттыыны ылла.

Лилия Васильева

Хаартыскалар ааптар тиксэриилэрэ