Байыаннай дьайыыга өссө үс массыынаны ыытыахтара

Сарсын, олунньу 13  күнүгэр, байыаннай дьайыы сиригэр Саха сириттэн үс тиэхиньикэни ыытыы былааннанар. Бу туһунан нэдиэлэтээҕи брифиҥҥэ «Вместе к Победе!» өрөспүүбүлүкэтээҕи хамыыһыйа координационнай киинин бэрэстэбиитэлэ Анна Меркурьева иһитиннэрдэ. 

«Байыастарга анаан массыыналар  Таатта улууһун олохтоохторуттан,  «Водоканал» АУо, Балыктааһыҥҥа федеральнай ааҕыныстыба Илин Сибиирдээҕи территориальнай салаатыттан  ыытыллыахтара. Массыыналар өрөмүөннэммиттэр, тиэхиньиичэскэй көрүүнү ааспыттар», — диэн Меркурьева эбэн эттэ.

Кини иһитинэрбитинэн, СӨ Бырабыыталыстыбатын отчуотун иитинэн «Вместе к Победе!» өрөспүүбүлүкэтээҕи хамыыһыйа координационнай киинин юристара Кэбээйи улууһугар үлэлииллэр.  Исписэлиистэр  байыаннай дьайыы кыттыылаахтарын өйөбүл  боппуруостарынан гражданнары кытары көрсөллөр.