Астаапкаҕа барбыт байыаннай сулууспалаах нацизмы утаран байыаннай эпэрээссийэҕэ кытта сылдьар

Дойдуга байыаннай куттал суох буолуутун хааччыйар инниттэн хантараагынан сулууспаны тэрийбиттэрэ. Баҕа өттүнэн кытта барааччылар араас төрүөтүнэн бараллар. Астаапкаҕа барбыт Сергей Марченко нацизмы утаран тиийбит.

Кини астаапкаҕа барбыт байыаннай сулууспалаах, гвардия прапорщига эбит. Сүүрбэттэн тахса сыллааҕыта тохтообут. “Байыаннай эпэрээссийэҕэ сүрэҕим этиитинэн кэлбитим. Дойдуга уустук кэмҥэ байыаннай исписэлиис чопчу манна көмө-тирэх буолар эбээһинэстээхпин. Биир күн туран байыаннай комиссариакка тиийбитим. Урут бииргэ сулууспалаабыт, оччолорго өссө лейтенант, билигин сорохторо генерал буолбут дьоммун кытта Арассыыйаҕа эмиэ стройга турар кэмим кэлбитэ. Сорох-сорохторун кытта көрүстүм.

Эр дьоҥҥо туһаайан этиэм этэ, биһиги аҕаларбыт, эһэлэрбит Аҕа дойду Улуу сэриитин кэмигэр дойдубут туһугар өлөллөрүн даҕаны кэрэйбэтэхтэрэ. Нацизмы утары охсуһаары үгүстэр, оннооҕор оҕолор илиилэригэр сэп-сэбиргэл тутан охсуһаары фроҥҥа сүүрбүттэрэ. Билигин нацизм эмиэ күөдьүйэн эрэр, ол эрээри, биһиги ону тохтотуохпут. Онон байыаннай эпэрээссийэҕэ кыттыан баҕарар эрээри, мунаарар дьон саарбаахтааһыҥҥытын киэр илгиҥ, төрөөбүт дойдугутун – Арассыыйаны харыстааҥ. Биһиги хайаан даҕаны кыайыахпыт! Бу нацизтары тохтото иликпитинэ уоскуйуохпут суоҕа!”, — диэн этэр.

Манна даҕатан эттэххэ, байыаннай сулууспаҕа хантараак түһэрсибит дьоҥҥо өрөспүүбүлүкэттэн 150 тыһ. солк. суумалаах биир кэмнээх көмө көрүллэр. Ону таһынан, сулууспалааччы дьиэ кэргэнигэр араас өйөбүл миэрэлэрэ эмиэ бааллар.

Сиһилии хантараагынан сулууспа саайтыгар https://xn--80aabtwbbuhbiqdxddn.xn--p1ai/ уонна 117 төлөпүөн нүөмэринэн билсиэхтэрин сөп.

Байыаннай сулууспаҕа хантараагынан дьону ылар единэй киин сарсыарда 9 чаастан киэһэ 18 чааска диэри үлэлиир. Баҕалаахтар “Абырал” куораттааҕы санаторийга маннык аадырыска кэлэллэр: Дьокуускай к., Сэргэлээх шоссетын 11 км., 1 корп.