Астана куорат артыыстара казах омук култууратын билиһиннэрэллэр

Бу чааска Суорун Омоллоон аатынан Опера уонна балет тыйаатырыгар Саха сиригэр Казахстан киин куората Астана күннэрин чэрчитинэн куорат акимата казах норуотун култууратын сырдатар улахан кэнсиэрэ буола турар.

Ил Дархан Айсен Николаев уонна Астана куорат акима Женис Касымбек өрөспүүбүлүкэ уопсастыбаннаһын сарсын буолаары турар Туймаада ыһыаҕынан итии-истиҥ эҕэрдэлэрин тиэртилэр.
«Былырыын Саха сирин күннэрэ Астанаҕа буоларыгар «Ньургун Боотур» операбыт, «Сияющий камень» этнобалеппыт Астана олохтоохторун кутун туппуттара. Бу күннэргэ Татарстаантан үөрүүлээх сураҕы иһиттибит — «Сияющий камень» үс номинацияҕа кыайыылааҕынан таҕыста. Бу ситиһии бырааттыы казах норуотун кытта ыкса сибээстээх. Биһиги доҕордуу сыһыаммыт Бу маннык сырдык саҕаҕы саҕаллар», —  диэн бэлиэтээтэ Ил Дархан Айсен Николаев.
Астана куорат акима Женис Касымбек Ил Дархаҥҥа Туймаада ыһыаҕар ыҥырыытын иһин махтанан туран, «Саха сирин күннэрэ Астана куорат олохтоохторугар умнуллубат өйдөбүлү хаалларбыта. Тылбыт, култуурабыт, норуоппут үгэстэрэ майгыннаһарынан бырааттыы түүр омуктар ыкса сибээспит өссө бөҕөргүү туруоҕа» диэн бэлиэтээтэ.
Астана куорат артыыстарын кытта гала-кэнсиэргэ Саха сириттэн үс омук тылынан
«Домбра» ырыаны толорбут кырачаан Архан Уйгу уонна виртуоз-хомусчут Юлиана Кривошапкина кыттыыны ыллылар.