Өрөспүүбүлүкэтээҕи 2 №-дээх балыыһа-Суһал мэдиссиинискэй көмө киинин ыарыыны быһаарарга уонна эмтииргэ рентгенохирургия ньымаларын отделениетын быраастара атах тымырдарыгар Саха сирин устуоруйатыгар бастакы эпэрээссийэни оҥордулар.
Бу балыыһаҕа биир нэдиэлэҕэ Boston Scientific фирма «Jetstream PVCN 100» үрдүк технологиялаах мэдиссиинискэй аппаратын көмөтүнэн атах тымырдарыгар эпэрээссийэлэр ситиһиилээхтик оҥоһулуннулар. Быйыл күһүн ылыллыбыт аппараакка 5 ыарыһах эпэрээссийэлэннэ. Билигин ыарыһахтар бары үтүөрэн балыыһаттан таҕыстылар.
«Тымырдарга мэдиссиинискэй процедуралар уустугуран иһэллэр. Эмтэнээччилэр ахсааннара элбиирэ, саҥа тэриллэри оҥоруу уонна малоинвазивнай процедуралар уустуктара элбиирэ үлэлиир усулуобуйаны тупсарыы наадатыгар тириэрдэллэр. Ол иһин, биһиги балыыһабыт салалтата бу «Jetstream PVCN 100» аппарааты атыылаһарга быһаарыммыта. Үрдүк технологиялаах мэдиссиинискэй тэрил биһиги өрөспүүбүлүкэбитигэр соҕотох», – диэн Өрөспүүбүлүкэтээҕи 2 №-дээх балыыһа Сардаҥа диагностикатын киинин салайааччы Дыгын Попов быһаарда.
«Сэтинньи саҥатыгар ыарыыны быһаарарга уонна эмтииргэ рентгенохирургия ньымаларын отделениелтын быраастара бу тэрилгэ үлэлииллэригэр маастар-кылаастары ыыппыппыт. Кинилэр үөрэнээттэрин кытары тута бастакы эпэрээссийэлэнээччилэргэ ротационнай атероэктомияны оҥорбуппут. Периферическай артериялар кыарааһыннарын сүрүн төрүөтүнэн атеросклероз буолар. Саҥа аппараатынан ыарыы содулуттан уонна инбэлииккэ тахсыыттан элбэх ыарыһаҕы быыһыахпыт дии саныыбыт», – диэн ыарыыны быһаарарга уонна эмтииргэ рентгенохирургия ньымаларын отделениетын сэбиэдиссэйэ Владимир Докунаев кэпсээтэ.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…