Атын киһиэхэ кэргэн тахсыбытын иһин сойуоласпыт

Уус Майа оройуонун 31 саастаах олохтооҕор холуобунай дьыала тэриллибит. Кини биир дойдулаах дьахтарын өлөрүөх буолан куттаабыт.

Бу дьон эрдэ чугас сыһыаннаахтар эбит, ол эрээри сотору кэминэн арахсыбыттар. Дьахтар ити кэнниттэн атын киһиэхэ кэргэн тахсыбыт. Ону биир дойдулааҕа маны сөбүлээбэтэх, дьахтары сойуолаһар буолбут.

Биир күн кини дьахтар дьиэтигэр кэлэн быһаҕынан куттаабыт, атын киһиэхэ кэргэн тахсыбытын иһин өлөрүөх буолбут. Дьахтар тута полицияны ыҥыран тыллаабыт. Онон 31 саастаах Уус Майа олохтооҕор РФ Холуобунай кодексатын 119 ыст. 1 ч. «Өлөрүүнэн куттааһын уонна киһи доруобуйатын эмсэҕэлэтии» иһин диэн дьыала тэрилиннэ.