Аан Дьааһын ыйа дойдубут дьонун-сэргэтин олоҕун таарыйар, ордук элбэх уларыйыылары, саҥаны киллэрэр ыйынан биллиэҕэ. Ый саҥатыттан олохпутугар-дьаһахпытыгар сыһыаннаах элбэх уларыйыылар киириэхтэрэ. Бүгүн саҥа сокуоннартан сүрүннэрэ диэбиппитин билиһиннэрэбит.
Атырдьах ыйын бастакы күннэриттэн кыттыгас үбүлээһин бырагырааманан 118,8 тыһ. биэнсийэлээхтэр мунньуллар биэнсийэлэрин кээмэйэ 7% үрдүөҕэ. Ити кэмҥэ ыйдааҕы төлөбүргэ эбилик кээмэйэ 41,8 тыһ. кыттыгас үбүлээһин бырагыраама кыттааччыларыгар 6,92% эбиллиэҕэ. Социальнай пуондаҕа хос ааҕыы управляющай хампаанньалар харчыларын инвестициялаабыттарын түмүгэр оҥоһулларын бэлиэтииллэр. Манан биэнсийэҕэ хос ааҕыы түмүктэммэт, ол курдук былырыын үлэлээбит аҕам саастаахтарга страховой биэнсийэлэрэ эмиэ эбиллэн түһүөҕэ. Итиннэ төлөбүр кээмэйин ааҕыы хамнас сууматыттан тутулуктанар, ол эрээри хас ый эбэтэр толору сыл үлэлээбиттэн тутулуктаммат. Биири өйдүөххэ наада, социальнай пуондаҕа тиийэр, сайабылыанньа суруйар ирдэммэт.
Сотору кэминэн муниципальнай дьокутааттар олохтоох дьаһалтаны үөскэтиигэ кытталларыгар кыах бэриллиэҕэ. Ол иһигэр дьокутааттар дьаһалта баһылыгын солбуйааччытын, ону тэҥэ атын салааларынан салайааччылары аныырга сөбүлэһиннэрэр бырааптаналлар. Бу муниципальнай тэриллии устаабыгар бигэргэниэҕэ. Онон устаапка саҥа балаһыанньаны уонна бэрээдэги киллэриэххэ наада буолуоҕа.
Саха сиригэр Олимпиада, Паралимпиада, Сурдолимпиада, «Үтүө Дьулуур» оонньууларын чөмпүйүөннэрин уонна призердарын матырыйаалынай өттүнэн хааччыйыыга төлөбүр кээмэйэ улаатар. Мантан инньэ кылаан чөмпүйүөннэргэ 100000 солк., үрүҥ көмүс призердарыгар 75000 солк., боруонса призердарыгар 50000 солк. ый ахсын бэриллиэҕэ. Ону сэргэ сокуон бу сыл тохсунньу 1 күнүттэн үлэҕэ киирбитинэн суоттанан, кэнники ыйдарга хос ааҕыллыаҕа (перерасчет). Билигин, биллэрин курдук, Саха сирин үрдүнэн бу киритиэрийдэргэ сөп түбэһэр чулуу көрдөрүүлээх бастыҥ 16 спортсмен баар, кинилэргэ өрөспүүбүлүкэ бүддьүөтүттэн уопсайа 7,8 мөл. солк. суумалаах төлөбүр оҥоһуллуоҕа.
«Саха Өрөспүүбүлүкэтигэр нэһилиэнньэ доруобуйатын харыстааһын туһунан» сокуоҥҥа киирбит уларыйыынан «Килиниичэскэй мэдиссиинэ» салаатынан ординатордарын бөлөхтөрө федеральнай сокуон бэрээдэгинэн уонна усулуобуйатынан быраас-стажер дуоһунаһыгар балыыһаҕа үлэлиир кыахтаналлар. Ол курдук, быраастар уопсастыбалара бу сылтан муҥура суох хаҥаан биэриэҕэ.
Хас биирдии нэһилиэккэ суолталаах боппуруостары быһаарыыга, хаһаайыстыбалары учуоттуурга билиҥҥэ диэри хаһаайыстыбаннай кинигэлэри туһаналлар. Ол курдук, урут ийэ кинигэни толоруу, учуоттааһын «Бэйэ хаһаайыстыбатын тэринии туһунан» сокуон нуорматынан ирдэнэр буоллаҕына, саҥа киирэр уларыйыынан олохтоох дьаһалта бу ирдэбили устаабынан толорор буолуоҕа. Ол курдук, «Олохтоох салайыныыны тэрийии уопсай бириинсиптэрин туһунан» сокуон балаһыанньатыгар киирэн биэрдэ. Ити курдук биирдиилээн хаһаайыстыбалар сүрүн сокуонунан сөптөөх көмөнү ылар кыахтаннылар.
Саха сиригэр саҥа ыйтан элбэх оҕолоох дьиэ кэргэн ыстаатыһа болдьоҕо суох ананар буолар. Ону тэҥэ элбэх оҕолоох дьиэ кэргэттэр саҥа дастабырыанньаларын биир кэлим көрүҥэ киирэн биэрэр. Ол курдук, саҥа олоххо киирбит сокуонунан бу ыстаатыһы дойдуга үс уонна онтон элбэх оҕолоох ыаллар бары болдьоҕо суох сүгэр бырааптаахтар.
Ити курдук, Саха сиригэр үс уонна онтон элбэх оҕолоох 34 тыһ. тахса дьиэ кэргэттэрбит өрөспүүбүлүкэҕэ көрүллэр бары чэпчэтиилэринэн улахан оҕолоро 23 сааһын туолуор диэри хааччаҕа суох, онтон атын, чуолаан, култуура тэрилтэлэригэр, пааркаларга чэпчэтиилэринэн болдьоҕо суох туһаныахтара.
Тохсунньуттан дьиэ-уот, хомунаалынай өҥө төлөбүрдэрэ үрдээри туралларын туһунан кэпсэтии барбыта балачча буолла. Дьэ, бу ыйтан хомунаалынай өҥө төлөбүрэ от ыйын 1 күнүттэн үрдээбитинэн бастакы кибитээнсийэлэр кэлиэхтэрэ. Төлөбүрү атырдьах ыйын 10 күнүгэр диэри төлүөххэ наада. Иэскэ эрэ кииримиэххэ, уһатымыахха-тэнитимиэххэ наада.
Аан дойду үрдүнэн кумааҕы харчыны уонна каартаны таһынан өссө сыыппара харчы диэн өйдөбүл киирэн эрэр. Арассыыйаҕа былырыын манна анаан сокуон таһаарбыттара. Сыыппара солкуобай национальнай валюта биир көрүҥүнэн буолар. Бэйэтин аата да этэринии, бу электроннай харчы. Саҥа ыйтан бу валюта Гражданскай Кодекс тиһигэр киирэн биэрэр. Ол курдук, бу харчыны кэлэр көлүөнэҕэ нэһилиэстибэҕэ аныахха уонна хаалларыахха сөп буолар. Бу сыалга саҥа харчы бааннарынан анал счеттарынан харайыллыаҕа.
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…
Балаҕан ыйын 20 күнүгэр, Намҥа Судаарыстыбаннай филармония симфоническай оркестрын кэнсиэрэ буолуоҕа. (далее…)
Бу күннэргэ Дьокуускай куоракка Таатта улууһун баһылыга Айаал Бурцев уонна СӨ Гуманитарнай наука уонна Хотугу…