Буоксаҕа 54 киилэҕэ диэри ыйааһыҥҥа Алина Аммосова Саха сирин сүүмэрдэммит хамаандатыгар боруонса мэтээли аҕалбыта. Онон сибээстээн, спортсменканы кытары көрсөн кэпсэттибит.
-Үтүө күнүнэн! Буоксаҕа бочуоттаах үһүс миэстэ буолбуккунан итии-истиҥ эҕэрдэ! Бэйэҥ тускунан кыратык сырдат эрэ.
-Үтүө күнүнэн, махтал! Аммосова Алина диэммин, 9 кылааһы бүтэрдим, Нам бэйэтиттэн сылдьабын.
-Эн чуолаан тоҕо буокс көрүҥүн таллыҥ?
-Аан маҥнай бэйэбэр наада буолуо диэн дьарыктанан саҕалаабытым. Билигин, күрэхтэһиилэринэн эмиэ сылдьабын.
-Бу успуордунан дьарыктанаргар туох уустуктары көрүстүҥ?
-Киирсиигэ ыарахан соҕус уонна дьарыга ыарахан, элбэх ноҕуруускалаах.
-Күрэх кэмигэр эйиэхэ ордук ким күүс-көмө буолла?
-Тренерым Васильева Оксана Михайловна. Кини сборунан илдьэ сырытта. Ингушетияҕа сборданан баран Дьокуускайга кэлбиппит. Уонна, оттон, сүбэ-ама биэрэҥ көмөлөстөҕө дии.
-Эн санааҕар спортсмеҥҥа ханнык хаачыстыбалар наадаларый?
-Мин санаабар, кытаанах характер наада. Тоҕо диэтэр характердаах киһи тугу барытын тулуйар кыахтаах.
-Бу кыайыыны ситиһэргэр туох көҕүлүүр күүс буолбутай?
-Үһүс миэстэ буолуом дии санаабатаҕым, элбэҕи баҕарбытым. Күрэх кэнниттэн өссө күүскэ дьарыктаныахха наада диэн бэйэбэр сыал-сорук туруоруннум.
-Бу кыайыыгын кимиэхэ аныаҥ этэй?
-Бэйэбэр, тоҕо диэтэр бэйэм үлэлээн-хамнаан ситистэҕим дии.
-Ыйытыктарбар хоруйдаабыккар махтал! Өссө үрдүк ситиһиилэри.
-Махтал!
Кэскиллээх эдэр спортсменкабытын өссө төгүл эҕэрдэлиэххэйиҥ, кэлиҥ өссө элбэх чаҕылхай ситиһиилэри ситиһиэ диэн эрэнэбит!
Тускуйана Игнатьева
Харчы олоххо тирэҕи биэрэр, сарсыҥҥы күҥҥэ эрэли үөскэтэр. Биһиги сатаан суоттанар, аттарынар буоллахпытына, оҕобутун харчыны…
Бэҕэһээ, алтынньы 5 күнүгэр, Алдан уонна Ленинскэй икки ардыгар суол саахалыгар пассажир дьахтар эчэйбитин туһунан…
Аныгы үйэҕэ икки бастаах кыыл дуу, ньирэй дуу төрөөбүт буоллаҕына, һуу-һаа буолан социальнай ситими толорон…
“Эчи, дьиктитин. Ол миигин туох диэн хаһыакка таһаараары гыннахтарай? Бачча тухары дьонтон туохтан да хаалсыбакка…
Алтынньы 1 күнэ – Аҕам саастаах дьон күнэ. Арассыыйаҕа 1992 сылтан бэлиэтэнэр. Доруобуйа харыстабылын аан…
Ааспыт нэдиэлэҕэ Дьокуускайга Саха сирин дьахталларын VIII спартакиадалара ньиргийэн ааста. Манна улуустартан уонна куорат уокуругуттан…