«Азия оҕолоро»: култуурунай тэрээһиннэр
Балаҕан ыйыгар уонна алтынньыга улуустарга үлэ кэлэктииптэригэр култуурунай тэрээһиҥҥэ кыттыыга анаан сүүмэрдээһин ыытыллыбыт. Култуурунай бырагыраамаҕа 150 волонтер кыттыахтаах.
Оонньуулары үөрүүлээхтик аһыы уонна сабыы тэрээһинэ Н.Н. Тарскай аатынан «Туймаада» стадиоҥҥа ыытыллыахтаах. Режиссердарынан Руслан Тараховскай, Алексей Константинов, Михаил Степанов бигэргэммиттэр.
«Азия оҕолоро» норуоттар икки ардыларынааҕы спортивнай оонньуулар 1996 сылтан саҕалаан хас түөртүү сыл ахсын ыытыллаллар. Оонньуу сыала — оҕо, ыччат успуордун сайыннарыы уонна норуоттар икки ардыларынааҕы спортивнай бииргэ үлэлээһини бөҕөргөтүү. 2024 сылга бэс ыйын 25 күнүттэн от ыйын 7 күнүгэр диэри VIII төгүлүн ыытыллар спортивнай оонньууларга, успуорт 24 араас көрүҥэр илин-кэлин түсүһүөхтэрэ.
Санатан эттэххэ, дойду Аҕа баһылыга Владимир Путин сорудаҕынан Москваҕа ыытыллар «Арассыыйа» быыстапка-пуорум норуоттар икки ардыларынааҕы спортивнай оонньуулар тустарынан сырдаппыттара.
Сообщить об опечатке
Текст, который будет отправлен нашим редакторам: