«Азия оҕолоро»: художественнай гимнастикаҕа иккис күн түмүгэ

Кыһыл көмүс мэтээли бөлөҕүнэн киирсиигэ Беларусь Өрөспүүбүлүкэтэ ылла. Иккискэ Сибиир федеральнай уокуругун хамаандата тигистэ. Үһүскэ — Ураллааҕы федеральнай уокурук.

Саха сирин сүүмэрдэммит хамаандата бөлөҕүнэн эрчиллиилэргэ многоборьеҕа төрдүс миэстэҕэ таҕыста.
Гимнасткаларга соҕотохтуу кыттыыга абсолютнай чөмпүйүөнүнэн Ульяна Янус (Омскай) , Акмарал Ерекешева (Казахстан) — иккис, София Ильтерякова — үһүскэ.
Биһиги личница-гимнасткабыт Алина Сивцева 16 миэстэлээх, ол эрээри Оонньуулары көрсөр эрэгийиэн буолан, бэс ыйын 29 күнүгэр финалга кыттыан сөп.
Беларусь Өрөспүүбүлүкэтин бөлөҕүнэн эрчиллиилэргэ художественнай гимнастикаҕа кыайыылаах хамаанда тириэньэрэ Катерина Белявская:
«»Aзия оҕолоро» оонньууларыгар Беларусь Өрөспүүбүлүкэтэ аан бастакытын кыттар. Бу юниордарга Олимпийскай оонньуулар мини-көрүҥнэрэ. Араас дойдулартан оҕолор успуорт көрүҥнэригэр күрэхтэһэллэрэ, олимпийскай дэриэбинэҕэ олороллоро олус үчүгэй. Бу күрэхтэһиилэри тэрийбит дьон маладьыастар, оҕолорго бу идэҕэ карьераны оҥорууга хардыы. Бары үрдүк пьедесталга дьулуһаллар. Дойдубутун чиэстээхтик көмүскээтибит диэн үөрэбит».

Ульяна Янус, многоборьеҕа абсолютнай чөмпүйүөн, Сибиир федеральнай уокуруга: «Мин бары күрэхтэһиилэргэ биир тэҥник бэлэмнэнэбин. Дьокуускай олус истиҥник көрүстэ, успуорт бырааһынньыгын сылаас тыына илгийэр. Тэрийээччилэргэ уонна ыалдьааччыларга өйөбүлгүт иһин махтанабын!».

Бэс ыйын 29 күнүгэр «Дохсун» СК художественнай гимнастикаҕа финальнай күрэхтэһиилэр күүтэллэр.

Саха Өрөспүүбүлүкэтин художественнай гимнастикаҕа федерациятын пресс-сулууспата
Улус Медиа кэрэспэдьиэнэ Екатерина Гладкина кыттыылаах бэлэмнэннэ

Хаартыска:Дмитрий Ляшеев.