Биир дойдулаахпыт «Пятница» теле-ханаалга саҥа биэриигэ кыттар

«Пятница» теле-ханаалга Саха сириттэн эдэр асчыт Владимир Герасимов «Молодые ножи. Новая кровь 2 сезон»  биэриигэ кыттар.

Владимир 22 саастаах, Дьокуускай куораттан сылдьар диэн теле-ханаал саайтыгар суруллубут. Эдэр асчыт шоуга кыттарга сайаапкатын аармыйаҕа сулууспалыы сылдьан ыыппытын туһунан кэпсээбит.

Саҥа шоу «Пятница» теле-ханаалга олунньу ортото  тахсыахтаах. Биэрии ыытааччыта   Константин Ивлев. Киниэхэ Илья Захаров уонна Анастасия Костюренко көмөлөһүөхтэрэ диэн ханаал саайтыгар иһитиннэрбиттэр. Күрэххэ кыайбыт бастыҥ кыттааччы Дубайга мишленовскай эрэстэрээҥҥэ үлэҕэ киириэхтээх.