Дьааҥы улууһун Баатаҕайыгар «Киин» хочуолунайга, ититэр ситимҥэ саахал тахсыбытын туһунан суруйбуппут. Бу сарсыарда Дьокуускайтан «Полярные авиалинии» АХ сөмөлүөтүнэн аварийнай биригээдэ Баатаҕайга көтөн тиийдэ.
Бу туһунан СӨ Суһал ыстаабыгар ОДьКХ миниистирэ Вячеслав Емельянов иһитиннэрдэ.
Бөлөҕү ОДьКХ миниистирин солбуйааччы Сергей Киров салайар. Кинилэр 5 туонна матырыйаалы илтилэр.
«Киин» хочуолунай элбэх кыбартыыралаах 17 дьиэни уонна социальнай эбийиэктэри, ол иһигэр оскуоланы, уһуйааны сылааһынан хааччыйар. Билигин туһааннаах дьиэлэринэн сылдьан температураны хас чаас ахсын кэрийэн бэрэбиэркэлииллэр, дьиэлэри дизельнэй генератордар көмөлөрүнэн сылыталлар.
«Сүрүн сорук — ититэр ситимнэри өрүһүйүү, түргэнник ууну сүөкээһин этэ. Бу сорук ситиһилиннэ. Билигин элбэх кыбартыыралаах икки дьиэни сылытыы хаалла. Бу манна батареялар алдьаммыттара. Маны таһынан хочуолунайы өрөмүөннээһин салҕанар», — диэтэ Вячеслав Емельянов.
Хочуолунайга билигин биэс хочуолтан үһэ үлэлиир. Төрдүс хочуолу өрөмүөннүүллэр. Суукка устата оҥорон үлэлэтэр былааннаахтар.
Улуус дьаһалтата СӨ Суһал ыстаабыгар иһитиннэрбитинэн, эвакопууҥҥа билигин икки киһи баар. Атыттар номнуо дьиэлэригэр барбыттар, сорохтор аймахтарыгар бааллар.
Оскуола дистанционнай көрүҥҥэ көһүөҕэ. Оттон уһуйаан үлэтэ тохтотулунна.
Ньурба улууһун олохтооҕо Гаврил Сидоров бэйэтин автосервиһыгар биир дойдулаахтарын массыыналарын өрөмүөннүүр. Байыаннай дьайыы кыттыылааҕа, бойобуой…
2024 сыллаахха Хатыыстыыр сэл. улаатан эрэр уол мототырааныспары ыытар бырааба суох сүүрдэ сылдьан, оҕону түҥнэри…
Үөһээ Бүлүү улууһун Мэйик нэһилиэгэр Өрөспүүбүлүкэ күнэ үрдүк тэрээһиннээхтик ааста. Нэһилиэк баһылыга Иван Яковлев салайааччылаах…
Мэҥэ Хаҥалас улууһун Гаврил Колесов аатынан Олонхо Дьиэтин үлэһитэ Анисия Степанова Узбекистан Өрөспүүбүлүкэтин Хива куоратыгар…
Дьокуускайга полиция 1 №-дээх дьуһуурунай чааһыгар эр киһи кэлэн, 60 тыһ. солкуобайбын албыннаан уордулар диэн…
Үөһээ Бүлүү улууһун "Тускул" оҕо айымньытын киинин иһинэн үлэлиир ойуулук оҥоруутунан дьарыктанар "Саҥа Step" куруһуок…