Олунньу 28 күнүгэр Чыаппараҕа отчуоттаан баран, миниистир Александр Атласов салайааччылаах бөлөх аттынааҕы Бахсы бөһүөлэгэр тиийбиттэрэ.
Кылгас отчуот кэнниттэн нэһилиэнньэттэн ыйытыылар, туруорсуулар киирэн бардылар. Бастакы этиллибит туруорсуу Бахсы нэһилиэгин сүрүн кыһалҕатын – суол оҥоруутун таарыйда. “Өр кэмнэр устата туруорсабыт да, кыһалҕабыт миэстэтиттэн хамсаабат, Бахсыттан Толооҥҥо тиийэр суолбут хаачыстыбата быстар мөлтөх. Отчуоттуур бөлөх үгэс курдук олунньуга, кулун тутарга кэлэр. Оттон саас эбэтэр күһүн кэлэргит эбитэ буоллар, суол сорун илэ көрсүөххүт этэ. Ити кэмҥэ, эбэтэр ардах түстэҕинэ дэриэбинэбититтэн тахсар кыаҕа суох буолан хаалабыт!” – диэн Бахсы олохтооҕо эттэ.
Тыа хаһаайыстыбатын миниистирэ Александр Атласов “Бу кыһалҕа кырдьык, өр кэм анараа өттүгэр этиллибитэ эрээри, быһарыыта бэрт уустук буолла. Мантан Толооҥҥо тиийэр суол федеральнай да, республиканскай да суол буолбатах, онон үбүлүүр олус уустук эбит, муниципальнай суолталаах суолу оҥорууга үп көстөрө ыарахан. Биир сөп түбэһэр ньыманан “Комплексное развитие сельских территорий” федеральнай бырагыраамаҕа кыттааһын буолуон сөп. Маны нэһилиэк салайааччыта дириҥник үөрэтэн, үлэлэһин көрүөхтээххин”, — диэн эттэ.
Фермер Анастасия Шеломова грант ылан хаһаайыстыбатын хаҥаппытын туһунан үөрүүтүн кытта үллэһиннэ. Ол эрэн быйыл кураан, аһыҥа ааҥнаан олус ыараханнык кыстаабыттарын туһунан эттэ. “Бу тыа хаһаайыстыбатыгар үлэлии сылдьар дьон айылҕа кубулҕатыттан толору тутулуктаах эбиппит. Быйаҥ сылга көнөн баран, кураантан сылтаан олох эстэн хаалыахха сөп эбит. Бу курдук түгэҥҥэ хайдах эрэ көмүскүүр страховой пуонда курдук баара эбитэ буоллар”, — диэн баҕа санаатын эттэ.
Бахсылар маны таһынан хочуолунай кыамтатын үрдэтээһин, заправка ыстаансыйатын тутуу уо.д.а. туруорсуулары мунньах боротокуолугар киллэртэрдилэр. Биир кыһалҕа – ынах тириитин туттарыы туһунан боппуруоска СХПК “Чурапчы” салайааччыта Николай Аржаков маннык быһаарда: “Бэйэтин кэмигэр нэһилиэнньэттэн тириини тутан оҥорон таһаарыынан дьарыктанар тэрилтэлэргэ илдьэр этибит. Ол эрэн былыргылыы быһаҕынан сүлүллүбүт тирии барыта кэриэтэ быһа сотуулаах, сөбө суох хаачыстыбалаах буолар эбит. Билигин аналлаах обдирочнай массыынанан сүлүллүбүт тириини үлэҕэ ылаллар. Онон бу боппуруос быһаарыыта уустук, чааһынай сүөһү тириттин туттарыы ыархан”.
Бахсылар кэлбит отчуоттуур дэлэгээссийэни кытта элбэх кыһалҕалары ырыттылар, ыйытыыларыгар хоруй ыллылар. Мунньах түмүгэр суол кыһалҕатын туһунан устубут видео ролигы көрдөрдүлэр.
Дьааҥы улууһун Суордаах нэһилиэгэ быйылгы халаан уутун этэҥҥэ аһарарга эрдэттэн дьаһаммыта. Оннук хабааннаах үлэлэр тэрилиннилэр.…
Судаарыстыбаннай Дуума дьокутаата, нолуок уонна бүддьүөт кэмитиэтин чилиэнэ Галина Данчикова Арассыыйа парламентаризмын күнүнэн эҕэрдэлээтэ. "Саха…
СӨ ыччат дьыалаларыгар уонна социальнай коммуникацияларга миниистирэ Петр Шамаев саҥа национальнай бырайыак олоххо киириитин уонна…
Бүгүн, муус стар 27 күнүгэр, үгэс быһыытынан, Өрөспүүбүлүкэ төрүттэниитигэр төһүү күүс буолбут биллиилээх уопсатыбаннай-бэлитиичэскэй диэйэтэл…
Бүгүн, муус устар 27 күнүгэр, Дьокуускайга Муусука Үрдүкү оскуолатын кампуһун тутуу бастакы сыбаайатын түһэрдилэр. Эбийиэк…
Биһиги, элбэх оҕолоох дьиэ кэргэн, Анна Анатольевна, Иван Гаврильевич Степановтар дьоҥҥо –сэргэҕэ үтүө холобур буоллун…